الموضوع: ضروررى...... المودم usb المحدود ازى.......

المشاركة الأصلية كتبت بواسطة eng.octooo

انا فصلت النت عندى من حوالى شهر لانة كان شلل والخدمة زبالة ودلوقتى شغال بخط التليفون (الفرق بينة وبين الدى اس ال زى الفرق بين العربية السيستافا وال bmw 320 )
بس انا بافكر انى اجيب موديم usb لانة مش محتاج اسلاك وقرف وسهل فى الاستخدام وانا هاجيبة من موبينيل لانها احسن شبكة عندى فى البيت
بس كنت عاوز اسال كام سؤال ؟

1- انا عرفت ان سعر usb ب99 ج بس دة مع الاشتراك لمدة 6 شهور زى اتصالات ولا ب 99 ج +50 ج تمن الشريحة وكدة يبقى ناقص تمن اشتراك الباقة وخلاص ؟




ودة الرابط الى محددين فية ساعات الاستخدام لكل باقة ياريت تشوفوة

ظ…ظˆط¨ظٹظ†ظٹظ„ - ط´ط®طµظ‰ - ط®ط¯ظ…ط§طھ ظ…ظˆط¨ظٹظ†ظٹظ„

بس كنت عاوز اعرف حاجة
هما كاتبين فى الباقة ال 3 جيجا
ان تصفح الانترنت 120 ساعة
2-يعنى كدة ال3 جيجيا هايخلصوا لو قعدت 120 ساعة تصفح بس ومش هاينفع اقعد دردشة مثلا ؟؟؟
ولا هايخلصوا لو قعدت ايميل 1800 ساعة +وتصفح 120 ساعة +ودردشة 60 ساعة وكدة فى نفس الوقت ؟؟؟

3-طيب لو كان عدد الساعت هوة مجموعهم وانا باقعد تصفح بس يبقى كدة ساعات التصفح هاتزيد ولا هاتقف عند 120 بس ويبقى لازم استخدم باقى الحاجات؟؟؟

معلش انا لخبط الموضوع بس انا محتار وعاوز اجيبة لانى زهقت من نت البيت



معلش انا عاوز الناس ترد على الاسئلة مش تحطلى روابط لانى مش فاهم حاجة من الموقع بتاعهم
واسف لانى تعبتكم معايا

بص يا اكتو واحده واحده كده معايا لان انتا لغبطتلي دماغي انا شخصيا

اول نقطه يا سيدي

انتا بتدفع 99 جنيه وده تمن اليو اس بي وده سعره في التلات شركات واحد وده بدون اي باقات ولا اي شيء ده تمن اليو اس بي بس

نيجي بقي للعروض

موبينيل عرضها انها هتديك خط الداتا هديه علي اليو اس بي(ده ميعتبرش عرض لان فودافون واتصالات اليو اس بي معاه خط اصلا)

فودافون واتصلات بقي بتقولك اشترك تلات شهور وخد اليو اس بي مجانا

تاني نقطه بقي دي عباره عن مثال لحساب التلاته جيجا ممكن تستفاد بيهم ازاي وده نسبي اصلا ومينفعش يتقاس بالطريقه دي

لان في مواقع تقيله ومواقع خفيفه ومواقع فيها صور كتير ودي هتسحب معاك طبعا غير لما تدخل علي موقع يكون عباره عن مقالات بس

حتي مواقع الشات بتختلف ممكن يكون شات فلاش سحبه يختلف عن لو كان الشات جافا

والاغاني كمان مساحتها مختلفه مهياش مساحات محدده يعني

فسيبك من جدول موبينيل ده لان الموضوع نسبي والجدول ده مش صح لان كل واحد استخدامه غير التاني

انا هقولك حاجه تريحك وده عن تجربه مع واحد قريبي مشترك ايه دي اس ال ليمتد

بيتصفح عادي براحته ويمكن بيقعد في اليوم فوق الـ 12 ساعه

الايميل عادي مفتوح جمب التصفح

بس هوا علشان ليمتد بيحاسب من اي حاجه فيها داونلود كتير

يعني ممكن ينزل في الاسبوع حاجات قد 10-15 ميجا مثلا

وهوا اصلا ليه 2 جيجا داونلود بس بيسحب عليهم جيجا تاني زياده تمنها 10 جنيه بتضاف للاشتراك الي بعد كده

فانتا ال3 جيجا متهيالي هيكفوك وزي الفل ومش هتحتاج اكتر من كده

دي كده تقريبا كل أسألتك شوف انتا محتاج ايه تاني وأسأل وان معاك متقلقش

A.Yakout