متابعة مباراة مصــر - زامبيا (تصفيات كاس العالم 2010)

**medo_2060** · 10-10-2009 01:01 AM

النهارده اللحظه الحاسمه يا رجاله كله ياخد مكانه فى موقع العمليات قدام التلفزيون ويشيل سلاحه قصدى ريموته وربنا يستر فى الماتش الى هيحدد مصيرنا تفتكروا ايه النتيجه وهل هناخد صدمه تانيه ولا المنتخب الكبير هيشرفنا ويكسب لحد ما الجزائريين يجيولنا هنا
ربنا يستر لو خسرنا يبقى خبطتين فى الراس توجع دعواتكم المنتخب دا مابيكسبش الا بالدعوات اصلا

**kareemhisham** · 10-10-2009 01:13 AM

مش متفائل .. و خلاص بقيت متوقع اى حاجة من الفريق دة

**mr_sameh** · 10-10-2009 01:17 AM

هناخسر

**NaderNabil** · 10-10-2009 01:17 AM

يا جماعة إحنا مش بلد كورة!!!!
حتى لو كسبنا...مصيرنا محتوم محتوم...

و نفسي اعرف ليه الملايين دي كلها بتتصرف على كرة القدم اللي إحنا ملناش فيها...رغم ان إحنا متفوقين عالمياً في رياضات تانية كتير...و اللعيبة مش لاقيين دعم ولا لاقيين يكلوا حتى!

**icehearted girl** · 10-10-2009 01:22 AM

هنخسر فيه بكرة بضربة جزاء مشكوك في صحتها يحسبها الحكم الظالم المجامل المرتشي في الدقيقة الأخيرة من الشوط التاني

**SeiffoZ** · 10-10-2009 01:44 AM

المشاركة الأصلية كتبت بواسطة iceheartedgirl

هنخسر فيه بكرة بضربة جزاء مشكوك في صحتها يحسبها الحكم الظالم المجامل المرتشي في الدقيقة الأخيرة من الشوط التاني

بالضبط .. بعد ما هيحرقوا دمنا طول الماتش ...
توقع فى الجول الصراحة يا أيس ..

الحمد لله أنا مش بحب الكورة و مش بتفرق معايا خالص لا مصر و لا غيرها ..

**mahfouz1983** · 10-10-2009 01:47 AM

يا جماعه حتي لو كسبنا هنعمل ايه في ماتش الجزائر الي هي تعتبر عقده كبيرة هنقدر نفكها هنكسبها كام يعني احنا بكتيره بصعوبه ممكن نتعادل معاها او نكسبها واحد صفر ودا بالعافية اذن فيه فرق اهداف يخلي الجزائر تروح كاس العالم وبعدين هنقعد نتكلم ونقول ان شاء الله 2014 نعوض ويكون حسن شحاته مات وراج في الرجلين واللعيبه اتسرحو وجم اشخاص جداد وربنا يعوض في فلوس العشب

**cheetos_892005** · 10-10-2009 01:59 AM

ايه الردود اللي تجيب لورا دي بقييييييييييييييييييييييي ييييي
بصوا لابو تريكه و تفائلوا يا جماعه

**medo_2060** · 10-10-2009 02:07 AM

ماشاء الله شايفكوا متفائلين جدا هههههههههههههههههه ولا واحد قال هنكسب يا جماعه لسه فى امل احنا لو مطلعناش كاس العالم المره دى مش هنطلع خااااااااااالص
وبالنسبه للسيناريو بتاع iceheartedgirl
دا لو حصل هيجيلى سكته قلبيه هههههههههههه وانتى الى هتشيلى ذنبى

الموضوع: متابعة مباراة مصــر - زامبيا (تصفيات كاس العالم 2010)

LinkBack

أدوات الموضوع

عرض

متابعة مباراة مصــر - زامبيا (تصفيات كاس العالم 2010) - انشر الموضوع فى :

-

-

-

-

-

المواضيع المتشابهه

ضرب أوتوبيس الجزائر بالحجارة في تصفيات كأس العالم 2010 كان مؤامرة من سمير زاهر !!

متابعة مبارة مصر - الجزائر في السودان (تصفيات كأس العالم 2010)

متابعة مبارة مصر - الجزائر (تصفيات كأس العالم 2010)

متابعة ميارة الجزائر و زامبيا

الكلمات الدلالية لهذا الموضوع

المفضلات

المفضلات

ضوابط المشاركة