اسمحولى اقول لكم واحشنى يا رجالة

النهاردة وانا رايح الشغل العربية سخنت و هى اصلا بقالها فترة بزودها مية كل ثلاث اربع ايام و بتشرب على الريق الصبح زجاجة مية كاملة.....المهم و انا راجع من الشغل برده سخنت قومت نازل و مزود مية و الاقى المية بتنزل تانى من تحت العربية....فطبعا جريت على الدكتور (قصدى الميكانيكى) فلقى الشجرة بتجيب مية و مصدية و متاكلة (بتاعة الفبريقة يعنى 13 سنة) و لازم تتغير فسيبت العربية عنده على اساس انه يغيرها الصبح .........هى غالية الشجرة دى ؟
اصل انا ماسألتوش و كان كل اللى شاغلنى شكل امبير الحرارة و هو عمال يعلى و رايح على ال100 ( منظر مخيف) ....