-
الشجرة هتتغير
اسمحولى اقول لكم واحشنى يا رجالة
النهاردة وانا رايح الشغل العربية سخنت و هى اصلا بقالها فترة بزودها مية كل ثلاث اربع ايام و بتشرب على الريق الصبح زجاجة مية كاملة.....المهم و انا راجع من الشغل برده سخنت قومت نازل و مزود مية و الاقى المية بتنزل تانى من تحت العربية....فطبعا جريت على الدكتور (قصدى الميكانيكى) فلقى الشجرة بتجيب مية و مصدية و متاكلة (بتاعة الفبريقة يعنى 13 سنة) و لازم تتغير فسيبت العربية عنده على اساس انه يغيرها الصبح .........هى غالية الشجرة دى ؟
اصل انا ماسألتوش و كان كل اللى شاغلنى شكل امبير الحرارة و هو عمال يعلى و رايح على ال100 ( منظر مخيف) :stink[1]: :stink[1]:....
-
والله لسة مغيرها من أسبوع ب120جنية استعمال الجزء الكاوتش السفلى من عند الموتور لغاية الردياتير والقربة والراجل مش فاكر خد كام تقريبا كله 150
-
من 5 سنين كانت ب 1200 جم جديدة فى التوكيل
-
أعتقد إن التركي ب 600 جنيه.
تحياتي.
-
ها يا باشا كلفت كام و عند مين
-
انا غيرت الشجره كلها من سنتين ب250 ج استعمال الخارج والحمد لله زي الفل - التركي مش موجود من زمان - اللي موجود حاليا الصيني ب150 ج وخساره فيه الفلوس
-
يا جماعة الشجرة دى جزءين جزء فبر وجزء كاونش الكاوتش هو اللى دايما بيتخرم لأنه اتخرم معايا مرة وواحد ميكانيكي قصه ووصله بماسورة 2بوصة قعد سنتين على الوضع دة واتخرم تانى من نفس الناحية قام غير لى الجزء الكاوتش كله وزى ما قلت اتكلفت 150 جنيه بنركيبه
-
على واحد ميكانيكي عادى مش محترف ولا حاجة
-
عديت على الميكانيكى النهاردة و خدت العربية و الشجرة اتغيرت بواحدة استيراد بس قاللى انه ركب واحدة بتاعت فكترا a و انا عربيتى b بس قاللى انها نفس الشكل و نفس طريقة التوصيل و التركيب....طبعا انا ما شوفتش هو عمل ايه بالظبط لانى كنت فى الشغل و لما عديت عليه كان غيرها خلاص و قاللى انها فبر و ماجبليش سيرة اى حاجة كاوتش....المهم اخد170 جنيه بالمصنعية.....عايزكم تجربوا الميكانيكى ده يا جماعة راجل محترم و امين و عنده ضمير
-
100% يا باشا و السعر كويس
و فعلاً الشجرتين واحد متغيروش الا فى الأيكو تك انما المواتير الكامة الواحده نفس الشجرة
و فعلياً الأستيراد اضمن مليون مرة من الصينى
Content Relevant URLs by
vBSEO 3.6.0 PL2