للبيع سيات ابيزا 94

**ahmedali** · 10-10-2009 08:56 AM

انا عارض عربيتي للبيع هى سيات ابيزا 94 glx السيارة حالتها ممتازة متور ممتاز وعفشه ممتازه ودواخل فبريقه تم عمل طقم سيرفس كامل من سيور وبوجيهات وفلاتر وتغيير زيت السيارة وزيت الفتيس وهذا كله فقط من اسبوع يوجد بها 4 زجاج كهرباء
اانذار وسنتر باثنين مفتاح ريموت فرش جلد كاسيت سوني اكسبوليد سماعات سوني
جنوط اسبور 14 لون مميز رمادي ميتالك فوانيس امامية وفوانيس اشارة جداد اضاءه عاليه
شبكة امامية جديدة وكساح جديد وطقم دبرياج جديد كوتشات هنكوك جديده مجهزة تكييف
السعر المطلوب نهائي 32 الف
للاستفسار
0103051217

**samaa0078** · 10-10-2009 09:23 AM

ممكن صور العربيه ؟

**ahmedali** · 10-10-2009 09:29 AM

هصورها ان شاء الله النهاردة وانزل الصور

**bode_mw_2005** · 10-10-2009 08:48 PM

مو 94 ب 32 الف اعتقد كتير بس ربنا يوفقك فى بيعها

**hakam** · 11-07-2010 02:36 PM

كتير جدا 32000 جنية مهما كانت حالتها خصوصا انها 94وعايز اضيف ان بالنسبة للسيارات الهاتش باج من هذه الفئة بعد الاسكودا فليشيا في سيتروين zx سيارة موديل 97 و98 يعني احدث ممتازة وقوية وموفرة في البنزين اي نعم قطع غيارها غالية شوية بس دا بيرجع الى انها معمرة جدااااااااا لانها فرنساوي انا ركبتها اكتر من مرة ولاحظت ان في منها تاكسي يعني خدمة شاقة وسعرها مكيفة لايزيد عن 26000 جنية والاهم ان صناعتها فرنساوي يعني محترمة جداااااااااا وبالتوفيق للجميع

**Mostafa.Mahran** · 11-07-2010 03:02 PM

العربية مفهاش تكييف ولا باور

خلى فى كلام فى السعر شوية

وربنا يكرمك فى بيعها

**windofchange** · 11-07-2010 03:22 PM

اللي عايز ايبيزا هيخدها منك بالسعر ده واللي عارف يعني ايه ايبيزا ومع احترامي للzx هي اصغر من الإيبيزا والأتنين متهيأللي يتساوو في قطع الغيار بالنسبة للسعر والجودة الإيبيزا مواتير وعفشة وآلات جر المانيVW وتقفيل اسباني والعربية فعلا نازلة مجهزة لتكييف ومعني انو مش مركب تكييف انو ملعبش فالعربية يعني هيبعها زي مااشتراها واللي اعرفه ان ناقصها الكومبريسور وبقية اجزاء التكييف موجودة وياريت يااحمد تأكد الكلام ده يعني خراطيم وكويل وسربنتينة ناقص عالكومبريسور ولو الموتور كبسه فوق ال75% وفي ناس تقلك 70% يبقي تجيب مستريح وبعد ضريبة المستعمل البدعة الجديدة دي!!!!!!! السعر ده كويس

**waelms3** · 11-07-2010 06:58 PM

السعر معقول شوفوا فى كونتكت او فى السوق بكام يا جماعة الابيزا والبولو واحد و ما تتقارنش بالستروين مع احترامى لكم انا مجرب الاثنين و انا راي ان العربية قلى مفهاش تكييف الموتور بيبقى لسه بخيره لان التكييف بيجيب اجل الموتور وخصوصا لو مشغله على طول