-
كيف اجيد قيادة السيارات
السلام عليكم ورحمة الله و بركاته
عندى سؤال يا شباب ، اود ان اعرف افضل الطرق لتعلم القيادة (السيارات طبعا) مع العلم انى اعرف قيادة السيارة قليلاً و لكن تنتابنى حالة توتر كلما ركبت السيارة و ينتانى احساس بالخطر و مش عاوز اقولكم عضلات رجلى و ايدى بتبقة عاملة ازاى.
انا بصدد شراء سيارة وهى اول سيارة اشتريها وناوى اجيبها زيرو لو اراد الله سبحانه ولكن هناك كثيرون قالوا لى انه يجب ان الا اشترى سيارة جديدة فى بداية قيادتى وانه من الافضل شراء سيارة مستعملة حتى اتمرن على القيادة جيدأ ثم اشترى الزيرو.
الحقيقة برغم منطقية هذا الكلام الا انه ليس بالامر الهين نظراً لاننى لن اشترى سيارة كل يوم كما اننى لا اتحمل خسارة فروق اسعار فى البيع و الشراء، لذا هل هناك طريقة لإتقان القيادة جيداً حتى اشترى سيارة العمر ( انشاء الله ) زيرو عل طووووول.
اعذرونى لو كنت طولت عليكم.
السلام عليكم ورحمة الله وبركاته
-
شوف يا زعيم
السواقة بتيجي بالممارسة كل ما تسوق اكتر خبرتك و مهاراتك هتزيد.
كل اللي بيحصلك ده طبيعي في الاول بس لازم تتغلب علية و ده هيجي برضة بالممارسة. حاول تنزل بليل متاخر او يوم الجمعة الصبح و تلف بالعربية لغاية لما تتعود.
بالنسبة لموضوع العربية انا مقتنع ان اللي بيسوقوا جديد يستحسن يركبوا عربيات جديدة عشان تريحهم و ما تقرفهمش و تقلل الضغط عليهم لكن بما ان الشوارع في مصر بقت سيرك او ميدان من ميادين عربيات التصادم اللي في الملاهي ناس كتير بتستحرم تجيب عربية جديدة خصوصا في مصر لان اسعار العربيات مبالغ في سعرها.
انا راي تتوكل علي الله و تجيب عربية زيرو بس بعد ما تكون اتعودت علي السواقة شوية و الاهم من كدة انك تامن عليها عند شركة محترمة عشان تقلل الخسائر اللي ممكن تحصل لا قدر الله.
اتمني ان اكون افدتك
-
القيادة ممارسة سوق كتير وانت هتتعلم
-
شكرا يا شباب على الردود , جزاكم الله خيرا
بس انا برضة لسة بسأل مدارس تعلييم القيادة المنتشرة دى مش ممكن تحل الاشكالية دة
-
فعلا يابو تسنيم مدارس قيادة السيارات هى اللى حلتلى المشكلة دى لأنى كنت بعرف اسوق اساسا لكن كنت اول ماقعد قدام الدركسيون يجيلى حالة توتر ولما روحت مدرسة قيادة المدرب قاللى انت جاى ليه وانت بتعرف تسوق وماكانش عارف اللى فيها
لكن بصراحة اخدت جرأة جامدة جدا وثقة زيادة ودلوقتى بفضل الله بقيت تمام .....نصيحة عن تجربة شخصية مافيش حل غير مدرسة قيادة اسهل واسرع واضمن وربنا يوفقك ان شاء الله
-
القيادة تعتمد على كون السائق ذو شخصية قيادية نوعا ما وأن يكون عنده ثقة وثبات وإلا يرحم نفسه ويرحم الآخرين منه
-
شوف يا باشا زي ما تفضل الكثير من الاعضاء و قالو ان السواقة ممارسة كلام سليم مية بالمية لكن قبل كل شيء اقتل الخوف جواك و اقنع بحاجة بسيطة و ديه هتخليك تسوق كويس ان شاء الله ان السيارة ما هي الا الة تستجيب لما تمليه عليها كن هاديء رزين و سوق بالعقل مع العلم ان الحالة ديه مش هدوم لانك هتضطر تتنرفز و تسوق بعصبية من الي هتشوفه في الطريق و انا حاسس انك هتون متمكن في وقت قصير ان شاء الله
-
للمرة الثانية جزاكم الله خيرا يا شباب على الردود و الاهتمام
[frame="1 80"]فعلا يابو تسنيم مدارس قيادة السيارات هى اللى حلتلى المشكلة دى لأنى كنت بعرف اسوق اساسا لكن كنت اول ماقعد قدام الدركسيون يجيلى حالة توتر ولما روحت مدرسة قيادة المدرب قاللى انت جاى ليه وانت بتعرف تسوق وماكانش عارف اللى فيها
لكن بصراحة اخدت جرأة جامدة جدا وثقة زيادة ودلوقتى بفضل الله بقيت تمام .....نصيحة عن تجربة شخصية مافيش حل غير مدرسة قيادة اسهل واسرع واضمن وربنا يوفقك ان شاء الله[/frame]
__________________
آخذ بالنصيحة ان شاء الله يا مودى
[frame="7 80"]
القيادة تعتمد على كون السائق ذو شخصية قيادية نوعا ما وأن يكون عنده ثقة وثبات وإلا يرحم نفسه ويرحم الآخرين منه
[/frame]
مش للدرجة دى ،، عموما شكرا للنصيحة يا اخ حمو
[frame="1 80"]شوف يا باشا زي ما تفضل الكثير من الاعضاء و قالو ان السواقة ممارسة كلام سليم مية بالمية لكن قبل كل شيء اقتل الخوف جواك و اقنع بحاجة بسيطة و ديه هتخليك تسوق كويس ان شاء الله ان السيارة ما هي الا الة تستجيب لما تمليه عليها كن هاديء رزين و سوق بالعقل مع العلم ان الحالة ديه مش هدوم لانك هتضطر تتنرفز و تسوق بعصبية من الي هتشوفه في الطريق و انا حاسس انك هتون متمكن في وقت قصير ان شاء الله[/frame]
يسمع من بقك ربنا يا شيكو و شكرا على الاهتمام
Content Relevant URLs by
vBSEO 3.6.0 PL2