سيمبول 2010 اخر الشهر

**Samah AbdAllah** · 10-10-2009 04:57 PM

مساء الخير يا وحوش رينو
امبارح قولت اروح اتفرج عالسيمبول عالطبيعة
عشان ربنا يسهل واقدر اتخذ القرار
رحت للطارق اللى فى كارفور اليكس
مالقتش سيمبول
قالى للاسف مفيش ولا واحدة ان شاء الله سيمبول 2010 هتنزل اخر الشهر
فاتفرجت عاللوجان والوانها وكان عنده لونين الاحمر والبترولى
وما شاء الله الملاحظ من الشوية اللى قعدتهم هناك ان عليها اقبال شديد جدا
بس بجد اللوجان فعلا عربية جميلة جدا مقارنة بسعرها
بس معجبنيش اماكن مفاتيح الزجاج الكهرباء

بس لفت نظرى وانا هناك ميجان تحفة مكدبش عليكوا مش عارفة هى ميجان ايه
بس هى باتنين باب بس و4 مقاعد عادى وسقف متحرك ب 203000 تقريبا كل الناس كانت بتتفرج عليها من بعيد لانها كانت مقفولة كان نفسى اجربها بصراحة بس اتكسفت
معلش المرة الجاية بقا قولت اسألكوا هى دى ميجان ايه اكيد انتوا عارفينها
وياترى فعلا مفيش سيمبول 2010 الا اخر الشهر وهل تخفيض الجمارك مطبق على العربيات اللى هتنزل اخر الشهر دى ولا لسة فى تخفيضات فى يناير 2010 تستاهل اننا نستنى ل يناير
وايه رأيكوا فى الطارق والتعامل معاه المفترض انه موزع معتمد من رينو

**Samah AbdAllah** · 10-10-2009 05:16 PM

هى دى التحفة اللى شوفتها امبارح لقيت صورتها فى موضوعات المتميز ووحش الرينو احمد بيك عبد المقصود

**Samah AbdAllah** · 10-10-2009 05:20 PM

المشاركة الأصلية كتبت بواسطة ringoo

اخر مرة شوفت السيمبول كانت فى التوكيل فرع سان ستيفانو
وفتحتها وقعت فيها وعجبتنى جدا وكان الالوان اللى موجودة الاحمر
والاسود والفرانى الغامق الكلام دة من حوالى شهر والعربية بتبيع
يا بسكوتة وفى ناس كتير مهتمة بيها
بالنسبة لموضوع الجمارج على الاوروبى مافيش حاجة لحد دلوقتى واضحة
( لو عرفت اى اخبار عن جمارج السيمبول حاقولك )
الطارق ناس كتير بتشترى منه وهو لحيبعلك بالسعر الرسمى واللون اللى انتى عايزاه
يبقى اهلا وسهلا غير كدة يبقى عاليكى وعلى التوكيل وموضوع الحجز مش حيكون زى اللوجان
4 شهور وكدة لان الضغط على السيمبول مش زى اللوجان
وربنا يرشدك للاختيار الامثل

انا شوفتها فى الشارع بس مجربتهاش لكن الملاحظ انها اكبر طبعا من اللوجان
وانا شوفتها اوطى من اللوجان مش عارفة ده حقيقى ولا لأ
الطارق بيبيع اللوجان ب 67000 مش عارفة اخبار التسليم ايه
امبارح كان زحمة وناس كتير بتتفرج عالعربية وهو مش عارض داخل المعرض غير واحدة بس اللى هى البترولى انا شوفت الحمراء برة المعرض فى الباركينج قدامه ولسة طبعا من غير نمر

**Col. Eng. Khaled** · 10-10-2009 05:52 PM

المشاركة الأصلية كتبت بواسطة baskota

مساء الخير يا وحوش رينو
امبارح قولت اروح اتفرج عالسيمبول عالطبيعة
عشان ربنا يسهل واقدر اتخذ القرار
رحت للطارق اللى فى كارفور اليكس
مالقتش سيمبول :h_angry[1]:

إن شاء الله و أنا في المقطم بكره للصيانة حسأل السيلز عن أخبار السيمبول

، بس أسأل عن الأتو و لا المانيوال ؟

**Samah AbdAllah** · 10-10-2009 08:45 PM

المشاركة الأصلية كتبت بواسطة Col. Eng. Khaled

إن شاء الله و أنا في المقطم بكره للصيانة حسأل السيلز عن أخبار السيمبول

، بس أسأل عن الأتو و لا المانيوال ؟

الاوتو يا افندم الاوتووو

واسأل برده عالمانيوال من باب العلم بالشئ
بس قول يارب اللى فى بالى يحصل عشان اعرف اجيب الاوتو

**Samah AbdAllah** · 10-10-2009 08:48 PM

المشاركة الأصلية كتبت بواسطة ringoo

1-السيمبول اكبر فى التصميم الخارجى بفارق بسيط لكن داخليا اللوجان اوسع السيمبول اكنز
لكن خامات السيمبول الداخلية افضل من اللوجان
2- السييمبول فعلا اوطى من اللوجان شوية عشان الوجان مصنوعة للطرق الغير ممهدة
3- طالما الطارق حيبيع بالسعر الرسمى يبقى حيكون فيه انتظار الحجز (بس مش شرط ممكن يكون عنده عدد)
4- ايه رأيك فى اللون البترولى

انت تقصد ان الطارق كمان لازم نحجز من قبلها بفترة
بس هو قالى معنديش حاليا وهاتيجى اخر الشهر 2010
واللون البترولى جميل جدا فى اللوجان تحفة بجد لدرجة انى بفكر فيها جديا
بس لما نشوف السيمبول الاول

-

-

-

-

الموضوع: سيمبول 2010 اخر الشهر

LinkBack

أدوات الموضوع

عرض

سيمبول 2010 اخر الشهر - انشر الموضوع فى :

-

-

-

-

المواضيع المتشابهه

افيدونى بخصوص سيمبول 2010

سيمبول 2010 للبيع لظروف خاصة

سيمبول 2010

سيمبول 2010 ممكن خبرتكول فيها

سوال بخصوص سيمبول 2010

الكلمات الدلالية لهذا الموضوع

المفضلات

المفضلات

ضوابط المشاركة