الموضوع: سؤال عن نعومة الجين 2 على الطريق

السيراتو طبعا انعم واهدى من البروتون على الطريق بس الي يميز البروتون عن السيراتو انها على الطريق السريع مابتحسسكش بالسرعة الي انتا ماشي عليها و كمان الثبات ممتاز جدا و كمان العربية مش بتهبط مع العدد الزيادة عكس السيراتو

عفشة ناعمة = راحة للركاب في الأماكن المكسرة + ثبات أقل في السرعة + هبوط العربية في التجميل
عفشة خشنة = راحة متوسطة و أقل طبعا من العفشة الناعمة + ثبات عالي + عدم هبوط العربية في التحميل = الجين 2 = الواجا

السيراتو اللي أنت شفتها دي السيراتو القديمة ...... يعني مختلفة عن السيراتو الجديدة شوية علشان الجديدة عفشتها برضه مش ناعمة زي البروتون واجا أو الجين 2 .

عموما البروتون مش ناعمة في الطرق المكسرة .......... و ممتازة على الطرق الحلوة علشان بتحس أن العربية ماسكة نفسها في الجري .

فشوف لو بتمشي في احياء مكسرة كتير و مش محتاج ثبات يعني مش بتسافر كتير ....... هات حاجة مريحة في العفشة .
لو محتاج ثبات أكتر علشان السفر ...... العربيات اللي عفشتها ماشفة زي الجين 2 أو الواجا طبعا أفضل
و ده لا يقلل من السيراتو في شئ لأنها برضه حلوة و كله حسب أنت عايز أيه من العربية ؟؟؟

ربنا يوفقك إن شاء الله لأختيار كويس .

السيراتو من كيا ناعمة الى حد معقول وكيا فى الاصل جزء اخر لشركة هيونداى انا مثلا بركب الالنترا كثير وبركب عربيتى كثير
الفرق واضح جدا
الالنترا مثلا بنت عم السيراتو = نعومة فى العفشة + صوت هادى للموتور + ثبات جيد
البرسونا = نشوفية فى العفشة الى حد ما بس مش قوى لتفتكر انها حديد فى حديد + صوت عالى للموتور+ثبات عالى
فحدد اختيارك
مع ملاحظة ان الجين 2 والبرسونا تتميز بالتعليق الخلفى المنفصل مما يعطى ثبات واتزان على الطريق والمنحنيات
فياريت تراجع ده موجود ولا لا فى السيراتو لانى كنت فى زيارة لمنتدى بتاع كيا وحد قال هناك انه تعليق مش منفصل وده مخالف تماما لقواعد العفشة الرياضية فتاكد اولا
وربنا يوفقك لما فيه الخير

منور يا تــــــــــــــــــــــــ ـــــــــــــــــــــوت

السيراتو الجديده عفشتها برده ناشفه شويه وده من كلام اصحابها
الجين2 نفس الكلام بس ممكن لو مليت الكاوتش نيتروجين العفشه حتنعم معاك فى المطبات وده عن تجربه

تحياتى