الموضوع: تقريرعن مقابلة الكياوية يوم 9/10/2009

المشاركة الأصلية كتبت بواسطة sheeko911

السلام عليكم :) ..
حضرتك قلت ان النيو سيراتو الافضل في فئتها في الصناعات الكورية واليابانية لكن لا تقترب تماما من الاوربية ... ممكن اعرف ليه ؟؟
و فى الحقيقة ان شايف الهوندا احسن :)

اولا لو حضرتك تقصد الهوندا سيتي يبقى الاتنين مش نفس الفئة ..وده عشان السيراتو من فئة ال compactcars والهوندا سيتي من فئة ال subcompactcars زي الياريس مثلا .. ولو تقصد السيفيك فا في فرق كبير جدا في السعر قد يصل ال 60 الف جنيه وعشان كده السيفيك افضل .. بالنسبة لموضوع الاوربي .. فهناك فرق .. عندك مثلا الفيات اللينيا العربية دي فيها كل حاجه وكماليات اكتر من السيراتو واداء افضل من السيراتو رغم انها مانيوال .. وفي نفس الوقت الخامات افضل واحنا قلنا قبل كده العربية مش مجرد شكل بس ..السيراتو اشيك كتير من اللينيا من بره ومن جوا الالوان احسن والتنسيق احسن ورياضية الي حد ما شكلا .. اما اللينيا رياضية فعلا موضوعا لان العربية 1400 تربو يعني اداءها يديك 1800 مع اقل استهلاك بنزين بس دي اراء وكون اللينيا عربية كويسة ده لا يقلل من السيراتو في شئ .. والكوري بدأ ياخد اعتمادية هنا وبره .. يمكن الوكلاء بتوعنا اللي مخليين الكوري درجة تانية بعد الياباني بالمواصفات اللي بيطلبوها عشان يقلل التكلقة ويكسب كويس .. بس مازال الاوربي هو الافضل ..بس عامة السيراتو عربية كويسة على أد الفلوس اللي هتندفع فيها .. وتقبل تحياتي