لأ كدة كتير شوية علشان عداد العربية كبير شوية علي ال 2009 اما بالنسبة لتشغيلها ممكن حضرتك تقوليلي هو مشوار العمل كام كيلو بالاضافة لظروف الطريق علشان اقدر ارد عليك بالنسبة للالتو او عربية تانية
انا مش عارفه المشوار كام كيلو بس هو بياخد وقت 45 دقيقه تقريبا لو الطريق كويس مش زحمه
انا قدامى برضو عربيه تانيه كيا ريو موديل 2001 فيها تكيف وسنتر وباور وزجاج كهربا حالتها كويسه بس هى رشه اجزاء بره نظافه وهى فابريكه بالداخل وحاله الموتور والعفشه حلوه وهى عامله 160000 كم وصاحبها طالب 39000 جنيه نهائى علشان حاله العربيه حلوه ومش محتاجه اى مصاريف وكمان هو جايب كوتش جديد بالفواتير وبطاريه جديده معلش ارجو الافاده ايهما افضل مع مراعاه ان مرتبى مش كبير علشان البنزين لان الكيا 1300 سىسى واكيد هيبقى فى فرق فى استهلاك البنزين بين الاتنين وشكرا
كده انا فهمت ان اولوية الاختيار المصاريف والبنزين يبقة خليك في الالتو وحاولي تعمليلها بوليصة تأمين والسبب ان العربية القديمة ليها مصاريف مهما كانت لان السن ليه حكمه اما العربية الجديدة ممكن تستمر فترة بلا مصاريف بالاضافة الي السي سي اقل وده بياثر علي البنزين بالطبع بس حاولي تشوفي التو عدادها مش كبير علشان ميبقاش متاخد خيرها
اولا انا متشكره بجد على رد حضرتك السريع والاهتمام
بس انا كده مفهمتش اشتريها ولا لا وبالذات ان العربيه حالتها فعلا زيرو انا شفتها ووريتها لميكانيكى والعداد كتير لان صاحب العربيه مشواره طويل من الشغل للبيت بس هو محافظ عليها كمان انا مش عايزه اشترى عربيه لما اجى ابيعها اخسر فيها جامد لانى ممكن اغير بعد سنه او اتنين بالكتير لو ربنا كرمنى بملبغ تانى ان شاء الله فلو سعرها عالى ممكن اخسر فيها كتير لما اجى ابيعها ولا ايه وكمان كنت عايزه اسال على بنزينه كويسه لو عايزه ارفعها فى المهندسين او اكتوبر وشكرا جدا
انا شايف ان السعر الي قلته لحضرتك حلو عليها
اما الراي الاخير لك هل تاخديها زيادة شوية عن تمنها علشان تشتري دماغك من اللف والتدوير ام تدوري علي حاجة تانية بسعر افضل وعداد افضل فالامر متروك لسعادتك
في بنزينة كويسة في شارع الهرم الي قدام الخزان سمعت عنهم انهم كويسين
محتاج مساعدتك فى تسعير تويوتا كورولا 2007 مانيوال 1300
زجاج كهربائى-مرايات كهرباء-باور-سنتر
فرش جلد فاخر-كاسيت CD MP3 IPod
عداد 30000 كم-رشه بعض الأجزاء بره فقط
عذرا للاطالة و شكرا
نيو اكسنت 2008 مانوال 1600 فابريكه بره وجوه مفيهاش خدش حتى الاكصدامات ماشيه 28 الف ولسه في الضمان