لا شكر علي واجب وانا تحت امركم في اي وقت لاي استفسار اخر
دواخل السيارة فابريكة وحسب كلام ميكانيكي ثقة كل مصاريفها في حدود 1000 جنيه (من الاخر اساسياتها كويسة بس عايزة تتروق في شوية حاجات بسيطة)
انا بجد محتار
عايز عربية اقل من 30 الف لكن اغلب اللي لقيته من كيا برايد وهيونداي اكسل يا اما راشش دواخل وعامل حوادث وحالته يعلم بيها ربنا يا اما حاجات كويسة لكن صحابها ضاربين في العالي بزيادة اوي
لكن لما بدات ادور في الشاهين لقيت حاجات تعتبر معقولة
هما الازمتين بالنسبة لي في الشاهين موضوع القعدة لاني زي ما قلت طولي 186 سم فمش عارف هل هكون مزنوق فيها ولا عادي
والتاني موضوع الحر وعايز المه في اقل تكلفة ممكنة (هل التكييف المستعمل حل كويس ويا ترى هيتكلف كام) ؟
معلش صدعتكم معايا بس بجد مستوى مشرف
:verygood::verygood::verygood:
وملحوظة
دي اول عربية ليا (متعلم السواقة جديد)
العربية دي تعمل 28 الف
والحل بالنسبة لحضرتك ممكن تدور علي اكسيل 1300 مكيفة ودواخل شركة تيجي في رينج ال 29 الي 30 الف لموديلات 95 وقاعدتها احسن من الشاهين وتكييفها هيبقة فيها
اما موضوع التكييف المستعمل انا مش بحبذه لان تكييف الشاهين الاصلي اصلا تعبان ومبيبردش فالي بيحب يركب بيركب حاجة ياباني جديد و بوحدة توزيع خارجية بتركب اسفل الطابلوة علشان مخارج الهواء الي في التابلوه الاصلي مش محكمة و بتضيع قوة الهواء
شكرا لمجهود حضرتك المتواصل و ان شاء الله يجعله فى ميزان حسناتك
كنت حابب اعرف سعر
لانسر 2006 1300 رشة برة كلها اوتوماتيك كاملة ما عدا فتحة سقف
ميجان 2005 او 2006 بانوراما فابريقة برة و جوة كاملة
و هل يفرق سعر ستيبترونك عن اوتوماتيك ؟؟
شكرا جزيلا
ستروين c3 2007 عملت 50 الف بها خبطة فى العتب اليمين وكس فى قاعدة المرايا اليمين ممكن اعرف من حضرتك تعمل كام
هى فابريكا برة وجوة واللون ابيض
مع الشكر
كمان فيرنا 2009 فابريكا برة وجوة عاملة 26 الف بها خبطة فى العتب الشمال وكحتة بسيطة فى الباب اليمين
اشكرك مرة اخرى
استاذ عادل بالنسبة للستروين بصراحة انا ماقبلتش سي 3 2007 قبل كدة في بيع او شراء كل الي قابلتة 2003 الي 2005 كدة في الموديلات دي اما بالنسبة لل2007 اعذرني بصراحة مش عارف وانا اسف علشان ما اظلمش حد
اما الفيرنا ارجو بس توضيح هي هاف ولا فل اوبشن لاتمكن من التسعير المناسب
الفيرنا فول اوبشنز
ومتشكرة على تعب حضرتك
السلام عليكم أولا جزاك الله خيرا على المجهود الكبير اللى حضرتك بتقوم بيه و ربنا يجعله فى ميزانك ان شاء الله و معلش اتعب حضرتك كنت عايز أسأل على رينج العربيات السوزوكى البيك أب الصغيره 800سى سى موديل تسعينات و اتقل على حضرتك بسؤال كمان العربيه دى كنت محتاجها فى مشروع صغير توزييع فهل هى تتحمل الشغل و لا لأ و بكرر شكرى لحضرتك