لو برة وجوة كلها وبدون خدوش وبحالة الزيرو تعمل 94 الف
السلام عليكم يا أخ شريف
السؤال عن ميجان استيت صاحبها شاريها أخر 2008 على انها 2009 و مرخصها 2009
فبريكة طبعاً كله و موديلها إللي هو فيه باركينج سنسور
عاملة 20 ألف كم
ومشكور مقدماً
شريف باشا bmw 316 مو94 بوية فابريكا بالكامل مانيوال عدا كبوت ورفرف ( حالة الزيرو ) تعمل كام
اوبل فيكترا 99 ماشية 125000كم رشة بره بالكامل
حالة جيدة
تعمل 87 الف علي اعتبار انها 2008 وبرة وجوة والعداد 20 الف والاصدار التاني
لو حالتها جيدة ومش محتاجة مصاريف نهائي تعمل 45 الف
لو مش محتاجة مصاريف وبالحالة المذكورة تعمل 66 الف
باشا لو سمحت عربية bmw 316i موتور 1800 موديل 82 كوبيه، هيدرومتيك ك، كاملة ، ومجددة بالكامل ورخصة سنة وجنوط اصلي
تعمل كام ؟
السلام عليكم
لو عربية فيات تمبرا موديل 93 بحالة جيدة، تسوى كام؟
لو سمحت انا كنت عايز اعرف سعر عربية تويوتا كرولا 2007 اتوماتك 1600 فول اوبشن عاملة 14 الف كيلو فقط فابريقة بالكامل هو صاحبها طالب فيها 110 الف ومش عايز ينزل جنية و هو كدة كتير ولا اية ؟؟؟؟؟
السلام عليكم
ان شاء المولى هروح حالا اخلص في العربية دي -واريحك شوية من استفساراتي- ربنا يكرمك ويعزك
نيسان تيدا سيدان اوتوماتيك اول فئة موديل 2008 عاملة 45 الف كيلو شوية خرابيش بسيطة قوي في الاكصدام اللي قدام واللي ورا وكانت مخبوطه في جانب الشنطة ورجعت على البارد ومش باينة قوي اصلا حوالي 15*15 سم كدا ومش راشة اي حاجة خالص
السعر العادل بتاعها كام
وجزاك الله خير
السلام عليكم ورحمه الله وبركاته
عايز استفسر عن سكودا فابيا هاتشباك 2003 1400cc
حالتها ممتازه
وشكرا
ربنا يوفقك
السلام عليكم .. بعت لحضرتك استفسار فى رساله خاصه عن تسعير رينو 12 ستايشن فابريكه دواخل بالكامل موديل 1987 بالصور ... ومستنى الرد من حضرتك ان شاء الله ف رساله خاصه
السلام عليكم يا باشا
ممكن تسعر العربيتن
1- تويوتا ياريس 2007 فول اوبشن اتوماتيك 4 زجاج كهرباء
عاملة اقل شوية من 48000 كم فابريكة برة وجوه رغم انه الفرش الجلد اللى عاملة متبهدل شوية والفانوس اللى ورا مشروخ وفيه اشتباه فى المساعد قدام شمال محتاج يتغير
2- هيونداى ماتركس 2006 فابريكا على حق ماشية بس 35000 كم كاملة مانيوال
صاحبها ضرب فى العالى
باشا لو سمحت عربية bmw 316i موتور 1800 موديل 82 كوبيه، هيدرومتيك ك، كاملة ، ومجددة بالكامل ورخصة سنة وجنوط اصلي
تعمل كام ؟
العربية حالتها من الداخل كويسة وشكلها نضيف بس العربية رشه بره وجوه بس الراجل مظبها من بره ومن جوه والعربية مفيش فيها خدش والبوية بتاعتها نضيفة جدا بس هيا هتحتاج مصاريف صغيرة يعني بحوالي 500 ج تظبيط شوية حاجات بسيطة .
أستاذ شريف لو سمحت تسعير السيارة الأتية على وجه السرعة للأهمية
لانوس 2007 se مانيوال تكييف باور كاسيت دواخل الفابريقة رش خارجى حديث ما عدا السقف مع تغيير الأكصدام الأمامى جديد عاملة (59700) كيلو رخصة حتى 1/5 /2010 أول يد
ألياريس تعمل 74 الف لو مش محتاجة مصاريف
الماتريكس لو نمرة 1 و برة وجوة ومش محتاجة مصاريف تعمل 64 الف
لو فعلا تم الكشف عليها ومش محتاجة مصاريف تعمل 20 الف
تعمل 48 الف لو بالحالة المذكورة وبدون مصاريف
تعرف الياريس مش عايز ينزل عن 77000 وعلى فكرة فيها رخصة سنة
والماتريكس مش راضى ينزل عن 68.5 الف
انا سيبتنى من كل ده وروحت اجيب انيو اكسنت 2010 زرو ايه رأيك هى ولا الياريس 2007
من حيث قطع الغيار ومن حيث السعر
انا عارف هتقول ده يابانى وده كورى ودى 1300 ودى 1600 ومفيش مقارنة بس انا تعبت من اللف والدوران ومش عايزاجيب حاجة وارجع اندم عليها
خصوصا انه فعلا انا محتاج عربية مش هتمشى كتير اخرى فى اليوم 6 كليو رايح جاى وممكن سفر كل اسبوع او اتنين لمسافى 300 رايح جاى
انصحنى يا باشا
شانا بينى 2008
شانا بينى 52000 كلم، تكييف، باور، سنتر، إير باج، زجاج كهرباء، 1300 سى سى ، موتور سوزوكى بالينو ، قطع الغيار متوفرة، جميع الصيانات بالتوكيل، الوكيل مودرن موتورز، بها رخصة سنة ونصف، الضمان المتبقى 48000 كيلو أو سنة ونصف.
حالة الدهان فابريكة
سنة الصنع 2005 و احدث
مانيوال
4 باب
حالة الموتور ممتاز
سعة المحرك 1300 cc
زجاج كهربائي
تكييف
باور
قفل مركزى
وسادة هوائية للسائق
جنوط سبور
النيو أكسنت عربية جميلة و أدائها حلو بس عيوبها شكلها غير مرضي الي حد ما و اعادة بيعها ضعيف نسبيا مقارنة بالياريس
بس حضرتك لو مش فارقة معاك اعادة البيع والشكل يبقة الزيرو زيرو حتي لو كوري
والراي النهائي لك يا صديقي
لو برة وجوة وبحالة الزيرو تعمل 37 الي 38 الف
ملحوظة انا مسعرها علي سبيل انها 2008 مش 2005 لان مفيش منها 2005
لو سمحت عايز اعرف سعر lancer 2008 1300 manual فبريكة برا 43000 km و كمان لو octavia 2005 or 2006 a4 حلتها ممتازة بكام
لو سمحت حضرتك ممكن تسعر عربيتي لاني بفكر ابيعها واشتري حاجه احدث خاصه لاني تعبت جدا من المانيوال وعاوز اجيب حاجه اوتوماتك لاني باعاني من الام بالقدم اليسري
السياره
تويوتا ياريس 2008
فل اوبشنز مانيوال
اللون اسود
تاريخ الشراء 11 \ 2008
العداد 8500 كيلو فقط لا غير لاني تحركاتي بسيطه
الحاله زيرو بره وجوه ماعدا خدش بسيط بالاكسدام من الجهه اليسري
تمت صيانه الالف بالتوكيل وايضا صيانه ال 5000 بالتوكيل
الاستبن لم يستخدم اطلاق حت لم يتحرك من مكانه
الترخيص ينتهي 11 \ 2011
برة وجوة يعني فبريكة برة وجوة
لا العربية دي صعبة في اعادة البيع مش زي ال 113
والله جرب انك تقوله 35 لان بيعها صعب شوية
كمان سنتين الله اعلم الدنيا هتبقة ازاي بس لو زي ماهي ممكن تعمل 30 الف من وجهة نظري الشخصية
الانسر لو حالتها ممتازة و برة وجوة تعمل 71 الف
اما الاوكتافيا ارجو توضيح العداد وحالة الدهان داخلي وخارجي
بالعداد المذكور والحالة دي تعمل 79 الف
لو سمحت يباشا
فيكترا ٢٠٠٨ مانيوال رشة اكصدام أمامي ورفرفرف يمين دواخل فابريكة عداد ٥٠الف
دواخل فابريكة
الايرباج فتح وتم الاصلاح في التوكيل (الخبطة من تحت فقط)
جنط مومو ١٧ جديد بكاوتش سرعات
وكمان معلش
BMW 318 i مو ٢٠٠٥ هاي لاين فتحة سقف وجنوط ١٧اصلي برة وجوة عداد ٦٠ الف.
السلام عليم
مطلوب سعر بولونيز 1500 سىسى موديل 1988 حالة جيدة جدا.
لو سمحت ممكن تسعير ياريس 2008 نصف كماليات فابريكة بالكامل بره وجوه ماعدا الاكصدامين بس مرشوشين عداد 40000كم الاستبن متحركش من مكانه وفرش الفابريقه بحاله ممتازة
السلام عليكم
عايز اعرف سعر دايو نوبيرا موديل 97 1600cc
جميع الكماليات حاله ممتازه
وشكرا
أستاذ شريف إن شاء الله كل مجهوداتك الرائعة دي توضع في ميزان حسناتك .
أ/شريف في واحدة قدامي فابيا ميني 2009 مانيوال 1400 سي سي عاملة 19 ألف كيلو فابريكا بالكامل و حالة ممتازة .
تعملها كام يا باشا و إيه رأي حضرتك فيها ؟؟؟
السلام عليكم و رحمه الله و بركاتة
أستاذي أرجو تحديد سعر عربيه 300 m كرايسلر موديل 99-2002 فابريكه عامله من 80 ألف كيلو ل 200 ألف كيلو حيث أني أريج متوسط سعرها و شكرآ لك أستاذي الفاضل
Pegeut 307 40000 KM first level steptronic with genot (ghaligy) model 2007 Fabrica only some scratchs in the -excedam-