شريف باشا من فضلك تحديد سعر العربية دي
العربية مرسيدس زلمكة موديل 86
العربية اصلا 230 ومغيرة مكنه ل 200 ومثبت في الرخصة 200
العربية فيها بعض البرومة الخفيفية وحالة الصاج مشرشوش ماعدا السقف فبريكة
العربية محتاجة ضبط مكنة + وشوية مصاريف في حدود 500 جنيه من عير ازالة البرومة
تقريبا كده حالة السيارة من الخارج 80%
حالة الموتور تقريبا كده 75 %
حالة السيارة من الداخل / الفرش جلد بيج وحالته تقريبا 75 %
العربية لونها فيراني وفول ابشن ( فتحة سقف - اتومتيك - كراسي كهربا - تكيف - مثبت سرعة )
العربية علي كلام صاحبها بيقول انها اوربي بس دواخلها كلها شرق اوسط
ياتري العربية دي تعمل كام ؟
وايه رايك فيها انا عاوز اشتري العربية لمدة شهرين تقريبا وبعد كده هبيعها
فياتري سعرها كده هيبقي من خلال توقعاتك ايه ؟ وتنصحني بايه ؟
والف شكر ليك ياباشا علي مجهودك الكبير وربنا يجعله في ميزان حسناتك .
---نهاية الإقتباس---
ارجو توضيح هذه الجملة
العربية علي كلام صاحبها بيقول انها اوربي بس دواخلها كلها شرق اوسط
هل هي في اي شغل اتعمل في الدواخل ولا دواخلها سليمة
كمالياتها كلها علي اللوحة ولا في حاجة راكبة
محتاجة مصاريف ولا لأ
ياباشا دواخل العربية سليمة
اما بالنسبة للكماليات بصراحة مش عارف بس علي مايبدو ان فيه حاجات راكبة بس مش عارف هيا ايه بالظبط
وبالنسبة للمصاريف طبعا ذي ماذكرت في الأول العربية محتاجة المصاريف الآتية /
1 - تظبيط البرومة اللي في الصاج من الخارج
2 - ظبط المكنة في حدود 400 جنيه .
3- ظبط السيارة من الداخل شوية تظبيطات بسيطة .