صباح الفل يا رجاله
تويوتا كورولا 2009 mmt بروفشنال 22000كم نبيتى فابريقه جوه و بره؟ ولو هبدل باوتوماتك استعمال ادفع كام ؟
صباح الفل يا رجاله
تويوتا كورولا 2009 mmt بروفشنال 22000كم نبيتى فابريقه جوه و بره؟ ولو هبدل باوتوماتك استعمال ادفع كام ؟
عربية حضرتك تعمل 110 الف باعتبار انها وكيل جنوب افريقي
اما لو حضرتك عايز تبدل بأوتوماتيك العادي وتكون نفس الموديل يبقة امام حضرتك اختيارين
خليجي موديلات من 2008 الي 2010
ضمان الوكيل موديل 2010 اوتوماتيك عادي لانه نزل في 2010 فقط
وممكن حضرتك توضحلي انهي موديل ترغب فيه لاتمكن من تحديد الفرق يبقة في حدود كام لحضرتك
فيات 132 2000 سى سى
موديل 78
رشه طبعا بره وجوه
باور وزجاج كهرباء
الحالة العامة ممتازه (دهان وفرش وعفشة وبطاريه وجنوط وكاوتش)
محتاجة عمرة موتور
تعمل كام؟
أستاذ شريف ....عربيتي سيراتو 2010
خليجي سعودي هاي لاين
ماشية 20 ألف
العربية عملت بيها حادث و اتقلبت على سقفها جوة البلد بسبب نقرة
العربية اتصلحت و رجعت زي الأول تقريبا لأني صرفت عليها 28 ألف اشتريت كل حاجة جديدة
فتحة السقف لم تنكسر و شغالة تمام بس مخدوشة
العربية دلوقتي رشت سقف و جنب شمال
المهم ان عندي مشكلة لو فكرت أبيع ...اني مش هاقدر ما قولش انها اتقلبت ...بس طبعا هاسمع سعر وحش ..
في واحد قريبي عايز يا خدها ..وعارف عنها كل حاجة و حضر اصلاحها بنفسه
سعرها العادل كام
للعلم ...العربية من جوة ما فيهاش خربوش في الفرش ...زي أي عربية ماشية 20 الف
ومن الخارج شرحه
الموتور و الفتيس لم يلمسوا ولا الشاسيه و لا الحوض طبعا
الخبطة كلها كانت في السقف و القايم الشمال و تم الإصلاح كما ذكرت بشكل فوق الممتاز
أطلب منه كام
تحياتي لمجهودك
استاذ احمد الف حمد الله علي سلامتك وربنا يخلف عليك خير ان شاء الله وما تقوم به من خدمة للاعضاء سيكون لك منجاه باذن الله
علشان اقدر احددلك سعرها ارجو توضيح التالي:
هي الحادثة في قائم واحد الي في الشمال في النص ولا قائم الزجاج والقائم الخلفي الشمال طالهم الحادث ايضا
نوعية اعمال السمكرة في القائم استدعت تفوير للزنب بتاعته ولا نظام زراجين وبدون رش للقائم
بالنسبة للسقف تم تغيير جزء منه بالقائم ولا كلها اعمال سمكرة
سمك المعجون بخبرتك علي القائم والسقف ملحوظة وباينة وانت بتخبط عليها ولا باينة انها مرشتش وبتبان بالتدقيق فيها
الابواب تم السمكرة وتفوير الفلوتو بتاعها ولا لأ
العربية كلها خدت وش نظافة رش وبالذات السقف ولا الجنب الشمال بس
والف الف سلامة للمرة الثانية وفي انتظار توضيحك
القايمين اللي قدام غيرت قشرتهم (اشتريت قايم كامل و خدت قشرته فقط مع زرجينة بسيطة)
اتفورت الزنب لكنها مستحيل تعييبها ..زي الأول و من باب التجربة تلات تجار ما قدروش يميزوها
القايم اترش طبعا اليمين و الشمال بس اليمين كان متأثر أقل بس عملته بالمرة.
السقف اتسمكر فقط (الجزء بين الفتحة و البربريز) و مش ممكن تمييزه من جوة بالذات
في معجون بسيط على الرفرف الخلفي الشمال بس السقف و القايم ولا شعرة معجون ...اقصد المعنى حرفيا ...
باب السواق فقط
السقف و الجنب الشمال فقط طبعا مش كل السقف لا الجنب فيهم شغل بس اترشوا علشان يبقى مية واحدة
الله يسلمك و يجازيك خير على تعبك
عايز أوضح الصورة ان العربية معمولة في المنصورة عند الناس اللي ماحدش بيطلع و راهم غلطة
بس أنا عايز أعرف السعر العادل علشان مش عايز فلوسها تبقى فيها حرمانية