استاذ شريف
اشكرك علي مجهوداتك معي ومع كل الاعضاء في التسعير
اولا انا بصراحة مقتنع تماما بالتسعير العادل اللي حضرتك بتحددة
ثانيا الملاحظ ان اصحاب السيارات المستعملة وخصوصا لو حالتها جيدة بيمسكوا في سعر اعلي من اللي بتحدده بما لايقل عن % 10 وتكرر هذا الموضوع اعتقد مع اعضاء كثيرين مما يؤدي لعدم التنفيذ واللي عايز ينفذ ومستعجل يدفع نسبة الزيادة دي اعتقد ان هناك اتجاه مسيطر وحاسس ان ناس كتير اوي كل اللي شغلته واللي مش شغلته بيتاجر في السيارات ومن مصلحته المحافظة علي الاسعار المرتفعة وعدم النزول بها وممكن يشتروا غالي ويبيعوا اغلي عشان يظل الوضع هكذا مشتعل الاسعار تخيل اتعرفت علي دكتور في الجامعة بيتاجر في العربيات وبيلف علي جميع المواقع وبالمثل صاحب سوبرماركت صاحب شركة ديكور محامي والله العظيم في روساء نيابة وقضاة ومستشارين شغالين ف الموضوع ده وانا عارفهم شخصيا الخ
والكل بيقول استعمال سيدة واستعمال طبيبة وخالي عمل لي توكيل وانا عاملة توكيل لزوجي وغيرها من الافلام الهابطة ديي مما اصبح معه الفرق بين الزيرو والمستعمل كسر نسبة بسيطة تفتكر حضرتك الحل ايه للي عايزين يقتنوا سيارة مستعملة بحالة ممتازة بسعر معقول وما هو دورنا هنا لمقاومة هذا الاتجاه ولو بعمل سوق امن في المنتدي او اي حل تراه
مع خالص التقدير
5