فورد مونديو مو97 اتوماتيك 2000cc فابريكة
دي المعلومات اللي عندي
ارجو منك استاذ شريف سعرها كام وملاحظاتك على السيارة المونديو عموما وجزاك الله كل خير
فورد مونديو مو97 اتوماتيك 2000cc فابريكة
دي المعلومات اللي عندي
ارجو منك استاذ شريف سعرها كام وملاحظاتك على السيارة المونديو عموما وجزاك الله كل خير
العربيات دي بتعمل في رينج ال 40 الي 42 الف
وال 2000 سي سي مواصفاتها جامدة مثل كراسي كهرباء وسخانات في الكراسي و تكييف تاتش وجلد طبيعي و سي دي تشنجر واي بي اس بخلاف الكماليات الاساسية من زجاج وسنتر وباور وتكييف و الاوتوماتيك
اما ملاحظاتي عليها انها قطع غيارها غالية ونادرة و استهلاك البنزين عالي شوية مسموع لها شكوي في بعض الاحيان وليس من الكل من الموتور و الفتيس انهما بيتطلبو صيانة دورية وتغيير بعض الاجزاء من حين لاخر واعادة بيعها غير سريع
بيرادو 98 دواخل فابريقة حالة مقبولة تعمل كام؟
ماروتي 2000 دواخل فابريكة تعمل كام؟
استاذنا العزيز ارجو النصيحة
معى 40000 ج وعايز سيارة مستعملة ترشح لى اية
واذا امامك شىء ارجو ابلاغى ولكم جزيل الشكر
على فكرة مشاويرى قليلة جدا .
هيونداي إلانترا 2004 رشة بره أوتوماتيك عاملة 80000كم؟
بوينتر رشه بره موديل 2004 سعة 1000 سىسى
مانيول عامله 148,000 كيلو
فيات سيينا 1400 مو2004
فابريقة بالكامل عاملة 3000كم
استاذ شريف عربيتى جوليت 99 حالتها كويسه جدا ما فيهاش اى شيى رشه جوانب فقط فبريكه جوه وبره سقف وكبوت وشنطه لم ترش عامله الف كيلو وحاله الموتور133000 الف كيلو والموتور 70 فى الميه بالقياس ممكن اعرف تعمل كام
السلام عليكم ورحمه الله وبركاته
انا امامى عربيه سيات ابيزا 97 مواصفات خليجى
1400 cc - تكييف - سنتر - بارو - مرشوشه نضافه - صيانتها بالتوكيل وشوفت الفواتير العربيه فابريكه بالداخل تعمل كام ولونها اخضر
وشكرا
السلام عليكم
كورولا 2005 / 41000ك اوتماتك فول اوبشن نضيفه بس رشه جنب والقائم الامامي شكله ملعوب فيه ايه رأيك يا باشا تتجاب ولا الواحد يبعد عنها وممكن تعمل كام
أنا مش عارف أعمل اقتباس على فكرة كويس
هو عموما الموضوع عن الاونو فاير موديل 2006 اللي وصفتهالك قبل كده
وقلتلك إني مش عارف رشه جوه ولا لأ
وحضرتك سألتني عن حالتها حاليا وعن الكماليات
هي حالتها دلوقتي تمام
مش محتاجة حاجة
كل حاجة محتاجها متغيرة في التوكيل
بالنسبة للكماليات
تكيف بتحكم مانيوال
العربية مانيوال خمس سرعات :)
إزاز كهربة قدام بس
سنتر لوك بس من غير ريموت
امكانية تسخين الزجاج الخلفي
بس
في انتظار ردك
وشكرا جزيلا
أولا جزاكم الله خير يا أ. شريف علي مساعدتك للناس و مجهودك
أنا بقالي فترة متابع مواضيعك و بصراحة ربنا يكرمك
أنا كنت عايز لانسر 1600 أتوماتيك بس عايز أعرف الأسعار لموديلات من 2002 لحد 2005 تعمل كام فياريت لو تكرمت تديني نبذة
و معلش سؤال تاني .. في واحد صاحبي عنده 2006 أتوماتيك 1600 سي سي جنوط و عتب و سبويلر و فتحة سقف و فرش جلد و 2 إيرباج (أعتقد بيقولوا عليها سوبر أكشن صح؟) و هي رشة خارجي في التوكيل نضافة ماعدا السقف و عاملة 73000كم و تاني يد و فيها رخصة تنتهي بعد سنتين و نصف .. ياريت برضه لو تكرمت تقولي رينجها كام؟
باشا من فضلك امامى سياره 128 موديل 1980 محتاجه تترش من بره وجوه الموتور حالته 80% بمعنى اصح عايزه تتشد شويه ممكن اعرف السعر كام
ايه رأيك يا باشا تتجاب ولا الواحد يبعد عنها وممكن تعمل كام
علشان اقدر ارد علي حضرتك تاخدها ولا لأ وسعرها ياريت توضحلي هي فيها ايه بالضبط في القائم واي قائم الي فيه الشغل وما هو الشغل يعني سمكرة وبويا هل زنبها موجودة ولا لأ وحجم الشغل في القائم كله ولا جزء منه
اولا لا شكر علي واجب يا اخي
بالنسبة للسؤال الاول الانسر ال 1600 بتبدأمن موديلات ال 2004 البوما اما المكواه ال 2001 الي 2003 1300 بس غالبا
وبالنسبة للسعر بتاعهم لازم حضرتك تححدلي انهي فئة هل اوتوماتيك ولا مانيوال ولا هاف اسبورت ولا اسبورت ولا عادة
بالنسبة للسؤال التاني بتاع العربية ال 2006 دي سبورت لان السوبر اكشن نزلت من 2007 ودي تعمل 70 الف لو بحالة جيدة ودواخلها شركة كلها
من فضلك أنا عندي نيو أكسنت كامله أوتوماتيك موديل 2008 فابريكه بالكامل عامله 5450 كيلو تعمل كام
ا /شريف بعد إذنك محتاج رأيك فى حاجة لانى محتار شوية انا معايا حوالى 45 - 47 الف جنيه دول يجيبولى عربية ماركتها ايه و موديل سنة كام مع ملاحظة انى ماليش أوى فى الميكانيكا فمحتاج حاجة موديلها عالى مش قبل سنة 2000 مثلا و انا محتاجها لمشاوير العائلة بصورة عامة
انا كنت بافكر فى دايو لانوس و شوية نوبيرا بس مشكلة نوبيرا هيبقى موديلها قديم شوية و ممكن يكون فيها مشاكل و ان مش عاوز وجع دماغ من اولها
يا ريت تساعدنى هل فى حاجة احسن و لا ايه
و شكرا
كنت عايز اسالك يا باشا
جيتا موديل 2009 هاي لاين بفتحة سقف و عاملة كيلوات قليلة فابريكة برة وجوة .. نعمل كام
وكذلك 2008 ؟؟؟
شاكر مقدما
و كمان سيراتو كوبيه هاي لاين بفتحة سقف كسر زيرو؟؟؟؟
يعني رينج سعر
معلش تاعب حضرتك معايا
وشاكر مقدما
اولا ازيك واخبارك اية واتمنى تكون بصحة وسلام انت والأسرة الكريمة
عندى طلبين
اولا تسعير لادا 2107 روسي موديل 2006 -- 64 الف كيلو فابريكه بالكامل - تكييف - كاوتش وبطاريه جديد تماما ورخصة سنة اول يد
ثانيا: افيو مو 2007 -- 58 الف كيلو - مانيوال - فابريكة بالكامل - سنتر و زجاج كهرباء
والف شكر مقدما يا استاذى العزيز
ا/ شريف
معلهش تاعبك معايا أصلى نزلت امبارح شوفت كام عربية كده بس فى حاجة اتقالتى حيرتنى أكتر ان لما تاخد موبيرا مو 99 أحسن من لانوس مو 2004 لان النوبيرا تقفيل كورى بلدها يعنى أحسن من التقفيل المصرى حتى لو فى فرق فى بينهم خمس ست سنين طبعا مع الأخذ فى الاعتبار ان الحالة للعربيتين كويسة
وبرضه قلقنى ان النوبيرا اتوماتيك و ان سمعت ان اعطاله كتير بس فى ناس بتقولى ان اعطاله اقل من المانيوال
مش عارف يا ريت تساعدنى يا باشا
و شكرا