الموضوع: تحديد سعر اي سيارة مستعملة هدية لاحلي منتدي(الجزء الثاني)

المشاركة الأصلية كتبت بواسطة maga9001

الى السيد المحترم أستشارى تسعير السيارات بالمنتدى استاذ شريف

بعد التحية

انا بسأل على سعر عربية اوبل فيكترا موديل 2000 كاملة مانيوال 1600سي سي فابريكة دواخل وراشة حزام بالخارج فقط عاملة 229كم الفرش يحتاج كسوة تعمل كام؟

وانا بدور على عربية محترمة بقالى اكتر من 5 شهور ومش عارف الاقي عربية محترمة وسعرها مناسب وطبعاً السعر المناسب بعرفه من حضرتك (لك جزيل الشكر والأمتنان) ونظراً لظروف عملى التى لا تسمح لي بالخروج كثيراً لمعاينة السيارات ياريت لوجه قام حضرتك عربية محترمة من السيارات التى سأذكرها لك بحالة جيدة وسعر مناسب بلغنى لأنى اوشكت على التراجع عن قرار شراء السيارة وسأذهب لمركز للتدريب على الجري مسافات طويلة نظراً لعدم آدمية المواصلات العامة بالقاهرة
1- اوكتافيا 1998 - 1600 cc - جميع الكماليات مانيوال
2- اوبل فيكترا 2000 او احدث - 1600 cc - جميع الكماليات مانيوال
3- بيجو 406 - 1998 - 1600 cc - جميع الكماليات مانيوال
4- هوندا سيفيك 1997 - 1600 cc - جميع الكماليات مانيوال
5- ميسوبيشي لانسر 1999 او احدث - 1600 cc - جميع الكماليات مانيوال

ياريت تقولى لو اى حاجه من اللى مكتوبة فوق دى جت قدامك
ولو ليك اى اقتراحات اخرى قولي عليها وياريت تقولى ايه افضل حاجه فى السيارات سابقة الذكر
- آسف جداً على الأطالة ولك جزيل الشكر

المشاركة الأصلية كتبت بواسطة maga9001

لأ هى الشكل القديم مش شكل موديل 2001

العربية تعمل 51 الف بحالة انها سقف وكابوت وشنطة ودواخل شركة ومش محتاجة اي مصاريف
وان شاء الله مش هتذهب لمركز تدريب الجري وهتلاقي حاجة مناسبة ان شاء الله
وفي عربية فيكترا 1600 مانيوال 2000 الشكل المعدل هشوفهالك ان شاء الله وارد عليك

المشاركة الأصلية كتبت بواسطة moharram3

شريف باشا ، طبعا كل كلام الشكر اللى ممكن اقوله مش هايوفى حقك فى مساعدة كل الغلابة اللى جاوبت على اسئلتهم السابقة ، لكن برضه مافيش غير انى اقول لك شكرا جزيلا على تعبك ومجهودك وخبرتك الواسعة وربنا يزيدك كمان وكمان ... سؤالى هو ان انا معايا 65 الف وعاوز عربية مستعملة اوتوماتيك بها كل الكماليات وماتكونش موديل قديم ويكون سعر قطع غيارها فى المعقول وسعر إعادة اللبيع كويس ، واللى انا شايفه من خلال المتابعة السابقة هو ان الخيارات امامى هى ( النترا 2006 - لانسر 2005 - ماتريكس 2007 - نيسان ) فهل يا ترى هى دى فعلا الخيارات المتاحة ولا فيه حاجة تانية افضل ، وايه الأفضل فى الخيارات اللى انا ذكرتها ، ولك جزيل الشكر ولو فيه حاجة قدامك نظيفة برجاء التكرم بإبلاغى عنها

الف الف شكر لكلام حضرتك الرقيق وجازاك الله خير
خيارات حضرتك ممتازة وانا افضل الالنترا ال 2006 اذا كانت ضمان الوكيل وبحالة ممتازة