تحديد سعر اي سيارة مستعملة هدية لاحلي منتدي(الجزء الثاني)

**sherifowahba** · 23-05-2010 03:17 AM

المشاركة الأصلية كتبت بواسطة hussein

تويوتا كرولا 85
تكيف - انذار- سنتر
موتورها خفيف شويه بس مش اوى
رشه خوارج و حوض و فيها برومه بسيطه فى الشنطه
فيها كاسيت سونى سى دى
شكلها من برا كويس
وهيا مكنتش متهانه بس حصل خبطه من قدام و البوهيجى الظريف رش الحوض كله رغم انهم كانو بيقولو انو كان ممكن يرش حته صغيره بس
تعمل كام؟

تعمل 21 الف

**samehelsergany** · 23-05-2010 12:32 PM

السلام عليكم
عايز اعرف سعر عربية اوبل ريكورد 2000cc موديل 80 العداد اعتقد انه مش مقياس بس انا عملت عمرة كاملة من 3 سنين و غيرت الفتيس بواحد استيراد طبعا و مفيش فيه اي مشاكل بس عشان السعر يكون مظبوط هي محتاجة فرش داخلي و شغل عفشة هانقول متوسط ، في خبطة بسيطة في الرفرف اليمين تترد على البارد و الدوكو كويس و لسه جايبلها 2 فردة كاوتش امامي بيريلي يعني بالمختصر شغل سروجي و تظبيط عفشه امامي و الرفرف
معروض عليا 10000 ارجو النصيحة و سرعة الرد
و لكم جزيل الشكر

الدواخل رشة ام لا علشان اقول لحضرتك السعر مناسب ام لا

اولا الف شكر للاهتمام و سرعة الرد و ده مش غريب من نايل موتورز ولا القائمين عليه
بالنسبة لسؤال حضرتك الدواخل فابريكة حتى الفرش بتعها ا لاصلي و عشان كدة بقول هى محتاجة فرش و انا يعتبر ثالث مالك ليها
الف شكر للاهتمام

**hobakora** · 23-05-2010 02:30 PM

إكسيل 97 1500 cc جميع الكماليات
فابريكة بره وأجزاء من الخارج = كاوتش جديد = سنتر لوك = باور =إنذار =تكييف = حالة جيده =
عامله 188 الف ك

**aymankader** · 23-05-2010 04:09 PM

اكسيل 98 - 1300 - فابريقة جوة - - 1/2 كماليات ( تكيف و سنتر) -
لسة عامل طقم شنبر و كبالن و مساعدين من شهر
- محتاجة وش نظافة (شوية خرابيش على الكبوت و الببان)

**Rory** · 23-05-2010 04:34 PM

من فضللك أريد معرفة سعر بيجو 305 موديل 1979 مع العلم انه تم تغير الموتور باخر جديد

**ehabkrol** · 23-05-2010 09:26 PM

المشاركة الأصلية كتبت بواسطة hobakora

إكسيل 97 1500 cc جميع الكماليات
فابريكة بره وأجزاء من الخارج = كاوتش جديد = سنتر لوك = باور =إنذار =تكييف = حالة جيده =
عامله 188 الف ك

السعر من فضلك يا أستاذ شريف

**mhmdsfwt** · 23-05-2010 09:52 PM

نيو اكسنت 2009
عاملة 5000 كيلو
رشة سقف والجنب الشمال
والباقي فبريقة جوة وبره

**fadod** · 23-05-2010 10:26 PM

أنا عارف إن عربتي مفيش منها كتير في مصر و ماينفعش تدخل علشان عدي عليها السنة سماح ، بس عايز أعرف السعر من أجل المعرفه الشخصية مش أكتر
نيسان باثفيندر موديل 2007 4000 CC . عملة 28,000 ميل ،حوالي 40,000 كيلو. 7 راكب بالإضافة لشنطة واسعة ، فيها 3 تكييف بتلات درجات حرارة مختلفة لكل صف تتش، فتحت سقف كهربا ،مرايات كهربا ،تعلية دواسة البنزين والفرامل كهربا نور الصالون LED للثلات صفوف ،كشافات شبورة،أوتوماتيك ،4x4 ،مع وجود hitch خلفي من أجل جر 7 طن.كوتش 275/75 17 بوصه جنت نيسان سبور الاصلي .طبعاً فبريقة برة وجوا. فيها mp3 ماركة bose مع 7 سماعات وصب و-4 تويترات bose
الكاست 6 CD شنجر .الكراسي كلها كهربا مع 3 ذاكرة لكل كرسي ، الكراسي بها سخانات وتكييف على حدة .مراية ديجيتال بالبوصلة ودرجه حراره بره وجوا ،مع وجود 3 ذاكره لفتح وغلق 3 جراجات .العربية كلها كراسي جلد أصلي لون بيج.سقف العربية عليه rails نيسان أصلي ، من أجل حمولة لغاية 500 كيلو على السقف. من الاخر صور العربية موجودة تحت صور الاعضاء ،
أنا عايز أعرف ثمن تقريبي وشكراً لتعبك مقدماً

**sherifowahba** · 24-05-2010 02:12 AM

المشاركة الأصلية كتبت بواسطة behman

شكرا يا كبير الافاده
ابيزا 94 سليمه اساسيات بالكامل
تكييف و سنتر و زجاج امامي كهرباء و كاسيت و سنتر و رينجات و زينون و فرش جلد ازرق xاسود لون العربيه
جنوط 15 o.z اصليه و كاوتش كويس
دوكو فرن جديد و كل الكماليات و الاكسسوارات الماني
العيوب ... حتتين بارومه في العتبهو الدواسه اللي تحت السائق ... و علتهم كويس بس في لحام صغير
التكييف ضعيف شويع
العفشه و علبه الدريكسيون عايزين تظبيط
ودي كل حاجه في العربيه فعلا مش مميزات بس زي كل اللي بيبيع ..... و شكرا

تعمل 31 الف