الموضوع: عايز اعمل فورمات للرينو الكليو حد عارف الطريقة ؟

السلام عليكم ورحمة الله وبركاته

عايز اعمل فورمات للرينو الكليو حد عارف الطريقة ؟
العربية بقالها شهر مهيسه

انا كنت عملتها قبل كده من سنتين تقريبا لاكن مش فاكرها خالص

المشاركة الأصلية كتبت بواسطة chato_eg

كل إللى هيحصل لما تشيل الكابلات بتاعت البطارية إنك هتعمل reset لبعض الحاجات السطحية زى وحدة الرفع و عداد المسافات اللى ممكن تعمله reset بنفسك و code ال cassette .....

المشاركة الأصلية كتبت بواسطة chato_eg

إنما لو هى بينزل لها system فعلا و ممكن صاحب العربية يشيله و ينزله تانى بنفسه يبقى ال opertating system ده اسمه إيه ؟؟؟...

و بينزل على ال architecture بتاع عربيات رينو كلها و لا حاجة تانية كمان.....
و هل له hotfixes و service packs ؟؟....
و يا ترى open source و لا microsoft هى إللى عاملاه ؟؟؟
و ال license بتاعته تديها للشخص إللى هتبيع له العربية إزاى ؟؟؟
طيب فى منه multi-license ؟؟....أصل نعرف ناس عندها أكتر من عربية رينو....
بس لو يا ريت لو فيه حاجة كده بمعنى family license علشان لو الزوج و الزوجة مثلا بيستعملوا العربيتين

طيب مافيش backup أو image من ال main directory علشان نبقى نعمل restore و خلاص بدل ما كل سنتين نعمل format ؟؟؟

لما عملتها من سنتين....عملتها فين ؟...و اتكلفت كام و أخدت وقت قد إيه ؟؟

اولا انا ما قولتش انه سيستم وانا اللى بنزله

معلومة لسيادتك
العربية بيكون ليها سيستم فى الوكيل فقط وبيتعمله ابديت كل 6 شهور
بمعنى انه بيكون محمى من الشركة المُصنعة والبرنامج نفسه اللى موجود عند الوكيل صالح لمدة 6شهور فقط
علشان البرنامج ما ينتشرش مع حد غير الوكيل المعتمد
صاحبى شغال فى بيجو وكان بينزل السيستم ده للعربيات والمكان اللى بيركب فيه اللاب توب فى البيجو غالبا فى فتحة التابلوه
زى ماهو موجود فى الكليو تحت الطفاية
وكانت العربية بتروح التوكيل عندهم مرفوعة على ونش ومجرد نزول السيستم كانت بتشتغل

نطلع بقى من السيستم

انا لا عملتها عند حد ولا دفعت فيها فلوس
ولو كنت قرأت الردود كويس كنت فهمت اكتر

انا بالفعل عملت اعادة ضبط للعربية من سنتين
عربيتى فجأة بطلت ومش راضية تشتغل والبطارية سليمة والفيوزات سليمة ومافيش فيها اى مشكلة فنية
وجيبت ناس وزقوها لاكن برده مش بتشتغل
كلمت واحد صاحبى فضل يراجع معايا على التليفون وفى الاخر قالى سيبها مكانها وشرحلى اعملها ريسيت او اعادة ضبط ازاى
وفعلا عملت زى ما قال والعربية اشتغلت زى الفل
و صاحبى باع عربيته من زمان ومش فاكر برده