محتاج خبرتكم فى الصيانه المبدئية للريجاتا نوفا

السلام عليكم ورحمه الله وبركاته
كلامى موجه لمستخدمين الحالين والسابقين للريجاتا نوفا
لانى اصبحت ريجتاوى بعد شرائى السيارة لانى مع سيارة الريتمو السابقة كانت فى اشياء بسيطة كنت بعملها بنفسى مثل تعليه الدبرياش او توطيته لانه امامى وبعرف طريقة تغيير البوجيهات وخلافه لما العربيه ممكن تعملها معايا 0
اتمنى من زملائى فى الريجاتا ان ينصحونى بالارشاد والتوعيه وبالاشياء التى ممكن امشى عليها والمشاكل التى ممكن تقع وكيفيه الخروج منها
بمعنى ادق لو حد من الاخوة الزملاء وقع له مشكله يعرضها لى مع كيفيه الخروج من هذا الموقف
لانى معرفش شىء فى ميكانيكيتها خالص
ويالله لو حدن مع كتالوج للريجاتا نوفا 90 يبقى خدمه فى الجول ويبقى افضل من جون حسنى عبد ربه فى زامبيا هههههههههههههه
بتمنى ان لا تبخلوا على بالمعلومه
وشكرا لجميع الاعضاء الذين لم يبخلوا على بالمعلومه حتى شراء هذه السيارة

معلش يا اخ عمرو بس انا شايف انك تقولنا ايه بالظبط المشاكل اللي عايز تعرف حلولها عشان نقدر نفيدك اكتر, يعني انا عن نفسي لو في مشكلة قابلتني وطلعت عندك ممكن اجتهد معاك فيها لحد مانوصل لحل.
ما تزعلش مني ده رأيي الشخصي ولو فيه اي حاجة ممكن اساعدك فيها انا في الخدمة