الموضوع: إلحقوني .. ملأ الشكمان بالمية !

المشاركة الأصلية كتبت بواسطة zocor742

هو شكلة كدة كان مرجعلك العربية شوربة بتشر مية من كل حتة
يارب ميكون المياة جت ناحية الضفيرة او الكنترول يونيت العربية هتهيس احلى تهييس كأنها مسطولة والله
ولو دخل مية الصالون ودة اللى انا حاسس بية انة غرق العربية من جوة بالمسدس
الموكيت هيعمل ريحة مش حلوة فالو فية مياة شربها الموكيت ياريت تهوى العربية جيدا وتحاول تحطها فى مكان شمس لفترة والشمس تتسلط على الموكيت حتى لو هتضر تفك الكراسى

ونصيحة خليك واقف على ايد العامل وتابع كل خطوة بيعملها عشان ساعات بيفتكسوا حاجات غريبة يكاد يكون شايفها صح لاكنها هتضر عربيتك
والكلام دة انا اتعلمتة لما عامل بنزينة جبلى اجل الكنترول يونيت وكانت العربية وهيا واقفة عمالة تزود بنزين لحد 3 اربى ام وترجع للواحد وتطلع ل3 تانى يعنى صباح الدماغ اللى عملتها العربية ولا اللخبطة مع السواقة لحد ما ظبتنا العيب دة بتغيير الكارتة

كأنك كنت معايا لحظة بلحظة خلال التلات شهور اللي فاتت ..
تدريجياً العربية كانت بتتهاوى
ريحة عفنة لا تطاق
فيش الفوانيس كل شوية تسيح
مفتاح الانتظار باظ
الكومبريسور فرغ كل الغاز
الطرمبة كانت شغالة من غير الكتاوت بتاعتها !
العربية بتفضل شغالة بعد ما أشيل المفتاح منها !
طبعا الـ rpm كان بيعزف عزفه الخاص
وبلاوي كتير من النوع ده انتهت باحتراق الضفيرة نهائيا وتركيب ضفيرة استيراد وتكلفة عدت الـ2000 جنيه
حسبي الله ونعم الوكيل !

لا اله الا الله قدر الله وما شاء فعل
بس حد فى الدنيا يعمل كده يغسل عربيته فى بنزينه غريبه وفى الارياف وكمان يسيبها لوحدها
ياراجل حرام عليك دا تلاقيها كانت بتنادى عليك لحد مصوتها اتقطع خالص
بس انت برضه كنت المفروض تسيب العربيه تنشف خالص ومتدورهاش غير لما تتأكد ان المياه كلها طلعت
وانا لو مكانك مكنتش مشيت من البنزينه غير يصلح غلطه بيجيب كمبروسر الهوا وينشف كل حته فى العربيه ويدخله فى الجكمان الى نفخه ده الله يكون فى عونه وفى عونك
على فكره انا حصل معايا المواقف دى كتييييير فى البنزينه فعلا بيبقى فيها ناس منتهى منتهى الغباء والاستهتار بحاجه الناس كأن العربيات دى لاقيناها فى الشارع


ممنوع الكتابه باللون الأحمر
اللون الأحمر مخصص للمداخلات الأداريه
يرجى مراجعة قواعد المنتدى

مشرف القسم

الحمد لله انك مسكت اعصابك ومقتلتهوش

المشاركة الأصلية كتبت بواسطة tompina

كأنك كنت معايا لحظة بلحظة خلال التلات شهور اللي فاتت ..
تدريجياً العربية كانت بتتهاوى
ريحة عفنة لا تطاق
فيش الفوانيس كل شوية تسيح
مفتاح الانتظار باظ
الكومبريسور فرغ كل الغاز
الطرمبة كانت شغالة من غير الكتاوت بتاعتها !
العربية بتفضل شغالة بعد ما أشيل المفتاح منها !
طبعا الـ rpm كان بيعزف عزفه الخاص
وبلاوي كتير من النوع ده انتهت باحتراق الضفيرة نهائيا وتركيب ضفيرة استيراد وتكلفة عدت الـ2000 جنيه
حسبي الله ونعم الوكيل !

قلبى معاك فى كل الى حصل و الموقف السخيف دا

بس انا مش شايف ان مجرد دخول مياة فى الشكمان ممكن يسبب كل الاضرار دى و الله اعلم

احنا مرة واحد حط فى عربية زوجتى مياة فى فتحة الزيت بس عدت على الخير الحمد لله بالموتور فلاش و العربية لسة ماشية عادى

المشاركة الأصلية كتبت بواسطة sherif khalifa

قلبى معاك فى كل الى حصل و الموقف السخيف دا

بس انا مش شايف ان مجرد دخول مياة فى الشكمان ممكن يسبب كل الاضرار دى و الله اعلم

احنا مرة واحد حط فى عربية زوجتى مياة فى فتحة الزيت بس عدت على الخير الحمد لله بالموتور فلاش و العربية لسة ماشية عادى

شكرا ليك وللسادة الزملاء على مداخلاتهم بس في حاجة أنا ماوضحتهاش ..
العربية انهارت في تلات شهور .. يعني كل يوم يطلعلي فيها حاجة
ولما الضفيرة شاطت .. الكهربائي قاللي غيرها ..
طبعا عشان أغيرها كان لازم أفك الكراسي والموكيت ثم اللباد وهنا كانت المفاجأة :
اللباد (العازل) اللي تحت كرسي السواق وأنا باطلعه كان بيشر مية ـ بعد تلات شهور كاملة ـ كأنه كان في بانيو مش في عربية .. وعلى فكرة اللباد ده هو اللي تحتي ضفيرة الصالون والتابلوه ـ أكبر ضفيرة في العربية ـ وكمان كان ـ شوف ستر ربنا ـ سلك الكونتاكت سايح كله من أوله لآخره ولاحم مع سلك الطرمبة يعني الله لا يقدر لو كان سلك الطرمبة لمس معاه كانت العربية انفجرت بي ..
يعني يا حضرات الحكاية مش حكاية الشكمان .. دا فصل من فصول المسرحية اللي حصلت واللي أنا بس كنت باستفسر عنه .. وبرضه حسبي الله ونعم الوكيل .. أنا والله لولا إني مش عاوز أقابل ربنا بدم حد