إلحقوني .. ملأ الشكمان بالمية !
من تلات شهور كده رحت أغسل العربية في بنزينة على بعد 76 كم فقط من بيتي !
ليه ؟
كنت بازور ناس قرايبي في الريف .. عادي يعني
المهم دخلت الكافيتيريا أشرب المشروب المفضل بتاعي ـ الشاي الحبر ـ ورحت أبص على العربية لقيت الواد بتاع البنزينة خلى العربية كأنها طالعة من ترعة .. آه والله
سلط المسدس على الأبواب من جوه والموتور ..
وبعد كده حط خرطوم المية في الشكمان ... وطااااااااااااااااااااااا ااخ !
شفتوا لما حد يشرب حد مية بالعافية ؟
طَفَّحها المية
سألته ـ وأنا ألعنه وألعن كل أصوله في سري ـ .. عملت كده ليه ؟
قاللي .. عشان العربية تسلك يا بيه !
على أساس إنها بالوعة مطبخ !
المهم أخذت العربية وطبعا حصل فيها كمية أضرار تفاقمت لحد اشتعال الضفيرة بالكامل (هحكي عن الموضوع ده بالتفصيل في مشاركة مستقلة ) لكن السؤال هنا وهو الأصل الذي أريده من كل هذا الرغي ..
غسيل الشكمان ده افتكاسة من صاحبنا بتاع المغسلة وللا الحكاية ليها أصل ما ؟
ياللا همتكم معايا ........
المبتلى في شكمانه .. محمد
:O_stupid[1]::O_stupid[1]::O_stupid[1]: