حد يعرف حاجه عن الدى فى دى اللى بيركب مكان الشماسه وبيتوصل
على الكاسيت العادى عن طريق الا fm
ياريت اللى يعرف عنه شئ واسعاره وانواعه يقوللى
عرض للطباعة
حد يعرف حاجه عن الدى فى دى اللى بيركب مكان الشماسه وبيتوصل
على الكاسيت العادى عن طريق الا fm
ياريت اللى يعرف عنه شئ واسعاره وانواعه يقوللى
اخى الحبيب اللى اعرفه كويس جدا ان كل اللى موجود فى السوق صينى ولا خلاف كبير بين الماركات المختلفة فكلها صينى وربما كلها من مصنع واحد ويكتب عليها اسماء مختلفة ..على العموم جميعها تعتبر كويسة مش وحشة انا مركب واحد منذ 3 سنوات للاطفال عندى ولم اجد به اى ملاحظات الى الان مع الاستخدام المعتدل طبعا .. الوظائف بتاعته بقرا الدى فى دى والام بى ثرى وفور كمان وجميع ملفات الصوت والصورة فيما عدا ملفات الريل بلاير ويوجد به وصلى يو اس بى ممكن تشغل فلاشة منه وكذلك العاب الفيديو جيم ومعاه 2 يد العاب هدية .. اخر سعر سمعته كان 550 جنيه بس بصراحة الحالى مش عارف كام ... فيه واحد فى احمد سعيد اسمعه رمزى امام سنترال العباسية ويوجد عنده صنايعى مختص للحجات دى اسمه وسيم انصحك بالتعامل معاه فهو فنى وفاهم وتقفيله للشغل بتاعه ممتاز
استاذ احمد
اشكرك بشده على شرحك الوافى للموضوع
انا فعلا نزلت من شويه سألت عليه عند الزعيم اللى فى المعادى
وعرفت ان سعره 500جنيه بالتركيب وهو فعلا صينى
بس ياريت تقوللى انت بتعمل اسطوانات الافلام بتاعته
على الكومبيوتر عندك وبتعملها ازاى ولا بتشتريها جاهزه
بلاش تجييب اللي هيا حسب الموجة
جييب العادية
اخى الحبيب اسف لتاخرى عليك فى الرد ... السعر ممتاز خاصة انه بالتركيب ,,, اما بالنسبة للاسطوانات فانا عندى على الكمبيوتر برنامج ممكن تنزله من على النت عادى بيحول جميع الصيغ الى دى فى دى وبعد التحويل انسخه على اسطوانة دى فى دى شارى 20 اسطوانة من مول سفنكس ب 25 جنيه ويكون الفيلم عندى على اسطوانة بجودة الدى فى دى وبصوت نقى جدا من خلال موجة الاف ام وبصراحة ما بسمعش صوت الاولاد طول المشوار بالذات لو المشوار طويل ومن غيره بقى اجارك الله يا اخى الفاضل على الصداع والدوشة والشقواة لكن بصراحة مع تشغيله ممكن تسمح بعض الضحكات الخفيفة وفيما عدا هذا فانعم بالهدوء المريح ... تحياتى
وبصراحة ما بسمعش صوت الاولاد طول المشوار بالذات لو المشوار طويل ومن غيره بقى اجارك الله يا اخى الفاضل على الصداع والدوشة والشقواة لكن بصراحة مع تشغيله ممكن تسمح بعض الضحكات الخفيفة وفيما عدا هذا فانعم بالهدوء المريح ... تحياتى
ربنا يباركلك فيهم ويخليهم لك يارب ويخليك ليهم ان شاء الله
باعتذر انى اقتبست من الرساله وماعرفتش ازاى اخليها فى إطار الإقتباس
أعذروا جهلى أرجوكم
اشكرك جدا على اهتمامك وردك
بس ظهرت مشكله مش عارف صحتها ايه
انا سمعت من صديق لى انه ممنوع من المرور
انا متابع بإهتمام