قررت اشتري لوجان ياريت تساعدوني

**drahmd** · 10-10-2009 11:05 PM

السلام عليكم ياجماعه
بقالي فتره بدور على عربيه جديده اشتريها وكنت مركز ف اني اشتري لانوس بس صراحه بعد ماشفت اللوجان مع واحد جارنا وركبتها عجبتني جدا ومن كلام الناس هنا في المنتدى كله بيشكر فيها من الآخر قررت اشتريها.المهم دلوقتي انا في السعوديه ونازل مصر كمان 5 ايام وعايز اعرف احسن مكان اشتريها منو.انا شفت الناس هنا شارياها من عند محمد زكي في ناس قالت استلمت ف خلال اسبوعين وفي ناس قالت استلمت ف خلال تلات ايام وشفت حد كمان قال انوا هينزل لوط من العربيه قريب عند محمد زكي خلاصة الكلام انا عايز اشتريها.هل فعلا محمد زكي بيسلمها ف خلال اسبوعين؟ياريت كل واحد استلم العربيه من عندو يقول استلمها ف خلال قد ايه وهل لسه سعرها عنده 67 ألف الفول اوبشن؟وياترى المقدم كام والاجراءات ايه؟وشكرا

**georgedada82** · 11-10-2009 02:30 AM

المقدم الف جنيه
الاستلام خلال ايام بسيطة
فعلا السعر 67000
انا مجرب ولسه مستلم من شهر من عنده حجزتها السبت هما كلموني التلات قالوا لي تعالي استلم
وفعلاروحت
رغم اني من اسكندرية لكن فرق الوقت بين محمد زكي وتوكيل اسكندرية كان كبير
وللعلم عقد بيع العربية بيبقي بينك وبين توكيل رينو لان محمد زكي موزع معتمد مش بيطلع اسمه في العقد
بخلاف الاجانسات اللي التوكيل بيبيع لها وبعدين بيتم البيع للعميل

**Samah AbdAllah** · 11-10-2009 02:46 AM

فعلا ناس كتير قالت ان محمد زكى بيسلم فى وقت يعتبر انجاز
فى اليكس الطارق هو الموزع الوحيد المعتمد بس انا مسألتوش التسليم امتى
لكن لو حضرتك من القاهرة توكل على الله وهم ناس محترمين اكيد هيحددولك ميعاد التسليم وحضرتك تشوف يناسبك ولا لأ
هم مش بيدوخوا النس زى ناس تانية ماتقلقش