تسعير سمارا ٨٧ روسي اتنين باب
السلام عليكم ورحمة الله وبركاته
استشارة يا أهل المنتدى الكرام وخصوصا شنوري باشا حبيب الملايين
واحد صاحبي عاوز يشتري عربية على قد فلوسه ويقلبها بعد فترة (حكاية القلب دي مش مشكلة قوي بس يعني إنتو عارفين...)
المهم هو اتعرض عليه كذا حاجة من ضمنها سمارا ٨٧ روسي اتنين باب
مش راشة دواخل
الحالة الخارجية للصاج معقول مفيش بارومات
الصالون معقول
الموتور جيد
العفشة جيدة
ممكن تفحص على حالاتها عادي بدون مشاكل
صاحبها طالب ١٢.٥ وحيعمل توكيل
فإيه هو التمن العادل لهذه السيارة
وسؤال آخر: أنا تابعت الموضوع المثبت بتاع قطع الغيار وأسعارها معقولة جدا ومش مبالغ فيها زي ما بيتقال عليها
ولكن موضوع الميكانيكي هل أي حد بيشتغل فيها وللا الموضوع برضه عامل زي سر البقبق
ملحوظة أخيرة: لو الإشراف شايف مصلحة إنه يدمج الموضوع ده في الموضوع المثبت مفيش مشاكل طبعا، أنا عملت موضوع مخصوص عشان مش عارف أيهما أفضل
تحياتي لكم جميعا
وبالتوفيق لكل خير
