m11عربيه جامده

**OSHA** · 10-10-2009 11:36 PM

النهرده شوفت العربيه فى الوكيل بتاع ابو الفتوح فى الغردقه والله العربيه تحفه بس انا حاسس انها اصغر من 516 دى مش مشكله المهم جوده الخامات واضحه وروعه التقفيل وصوت المتور جربت العربيه العزل ممتاز بس احب استفسر عن العفشه لو فى حد جرب العربيه يا ريت يفدنا بخصوص موضوع العفشه والسحب بتاع العربيه ايه اخباره... وشكرا

**hsorogy** · 20-10-2009 11:41 PM

على البركة

**osama_ruan** · 12-12-2009 11:39 PM

عربية بجد تحفة

**rotana_cinemaa** · 14-12-2009 06:56 AM

أقسم بالله العلي العظيم أني من مالكي أسبرانزا m11 ولسة عامل صيانة ال 1000ك ودخلت بنزينة الوطنية في مدينة 6 أكتوبر أفول بنزين عادي يعني والتانك عندي كان فيه 7 لتر تقريبا فقط المهم اني جيت أفتح باب تنك البنزين موش راضي يفتح عملتله قرد أنا والناس في البنزينة ومفتحش طبعا كنت تريقة عباد الله والكل بيعايرني اني جايب عربية صيني زبالة زي دي وأنا واقف في نص هدومي اتصلت بالصيانة الي جبت نمرتها كأني بجيب نمرة ليلي علوي من السرية وطناااااااااااااااااش محدش معبرني وأخيرا في فرع ابو غالي في جسر السويس بعتولي الونش والعربية اتكسرت واتبهدلت علي الونش وطلع ................كل ده عشان باب تنك البنزين في عربية زيرووووو عاملة 1400 ك تصورو دي عربية او تستاهل يدفع فيها جنية واحد والله العظيم وحياة أولادي دي نصيحة محدش يشتري عربية صيني ولا يفكر حتي فيها عربية زبالة وخدمة بعد البيع حرامية وزبالة وشكرااااااااااااااااااااا ا

نرجو انتقاء الالفاظ حفاظا على الشكل العام للموقع
دعم فني2

**Karim_Mohy** · 14-12-2009 08:10 AM

قدر الله وماشاء فعل........ربنا يعوض عليك خير ان شاء الله

بس المرة الجاية خلي بالك من بعض الالفاظ عشان مخالفة لقوانين المنتدي

وتقبل تحياتي

**human** · 14-12-2009 11:24 AM

بلاش

**muradallam** · 14-12-2009 06:02 PM

ابعد عن الصينى وغنيلو انا فاكر من سنتين لما روحت اشترى اسبرانزا 516 زيرو واد ايه كنت موهوم بيها وبالاوبشت بتاعها وسعرها وكده ودلوقتى العربية مش جايبة فلوس وتروح لاى تاجر " حتى لو روحت للى باعهالك" يقولك معلش ياباشا اصلى دى صينى وانتا عارف الصينى مالوش سوق نصيجة يا جماعة من واحد مجرب العربية سنتين بلااااااااااااااااااااااا ااااش صينى حتى لو ببلاش

**market_profile** · 14-12-2009 10:07 PM

المشاركة الأصلية كتبت بواسطة muradallam

ابعد عن الصينى وغنيلو انا فاكر من سنتين لما روحت اشترى اسبرانزا 516 زيرو واد ايه كنت موهوم بيها وبالاوبشت بتاعها وسعرها وكده ودلوقتى العربية مش جايبة فلوس وتروح لاى تاجر " حتى لو روحت للى باعهالك" يقولك معلش ياباشا اصلى دى صينى وانتا عارف الصينى مالوش سوق نصيجة يا جماعة من واحد مجرب العربية سنتين بلااااااااااااااااااااااا ااااش صينى حتى لو ببلاش

ممكن أعرف ايه مشاكل ال 516 عشان العربيه دي انا ركبتها و عجبتني جدا بس عايز اعرف ايه المشاكل اللي واجهتك بالظبط في خلال سنتين

بالنسبه لأعدة البيع انا شفت ناس كتير عارضاها للبيع في متوسط 55 الف يعني نفس مستوى اسعار الدايو لانوس أو اعلى منها شويه

**mohamedhamam** · 15-12-2009 03:41 PM

الله أعلم الايام القادمة هى التى ستثبت أنها جامدة أو عكس ذلك

**mantoros** · 16-12-2009 04:04 PM

العربيات التيجو و الام 11 سيارات رائعة فعلا و لكن من يشتريهم الان الافضل ان يستمتع بهم و لا يكون في نيته البيع لان الوقت لم يعطيهم فرصتهم و سوقهم بعد.......اكيد في تحسن رهيب في سوقهم اكثر من سنتان مضوا و لكن لسة محتاجين شوية وقت عشان يكونوا الجواد الرابح في سوق المستعمل و ارجعوا بذاكرتكم عشرة سنوات لما كانت اللانوس بتتباع جديدة بحاجة و تلاتين الف جنيه و المستعمل كان بيتباع ببلاش علي الرصيف و لكن من حافظ علي سيارته و باعها من كام سنة باعها بأكثر مما اشتراها
تعلموا من التاريخ يا جماعة لأنه يعيد نفسه في كل شىء في حياتنا

و من لن يركب السيارات دي اليومين دول هيكون اصعب كتير يركبهم بعدين........و هتشوفوا

كالعادة.......... دعوهم يموتوا بغيظهم كل من يهاجم و يتهم دون هدف او دليل او خبرة

و الله الموفق