محتار على الصيانة

**matrix007** · 11-10-2009 01:35 AM

ازيكم يا جماعة انا عجبنى اوى المنتدى بتاعكم و كنت عايز انضم ليكم ان شاء الله
انا خلاص نويت اشترى كيا كارينز مواصفات خليجى بدون فتحة سقف و باك سينسور وهى عبارة عن abs و طارة مالتى و جنوط 16 و 2أيرباج و فوج لايت و مرايات ضم بلون العربية و زجاج فيميه و تسجيل اسطوانات jvc و شبكة نيكل بس كنت عايز استفسر عن كام سؤال كده
أولا:كنت عايز اعرف اعمل الصيانة الدورية فين فى التوكيل عادى و لا بره
ثانيا:كنت عايز اعرف لو اتعملت فى التوكيل هاتتكلف كام و كمان فى التوكيل فى27 نقطة بيتفحصو مجانا زى الفرامل و العفشة و كده يعنى ده برده بيبقى مجانا مع الخليجى و لا بدفع و لو بدفع هادفع قد ايه
ثالثا:ياترى فى اماكن بره بتعمل الصيانة الدورية بنفس كفائة التوكيل و لا لأ و لو فى يا ترى بيفحصو كل حاجة فى العربية زى التوكيل و لا بيغيروا زيت و فلتر بس

معلش بقى انا عارف انى صدعتكم بس انا اسف علشان انا اول مرة اشترى خليجى و خايف يحصل لها حاجة يعنى قصدى ان الخليجى مالوش ضمان زى الوكيل و كل ده بسبب التوكيل اللى منزل العربية فاضية....و شكرااا

**lolly136** · 11-10-2009 07:45 AM

بلاش خليجي حتدفع فلوس فالوكيل كتييييير
يعني مثلاً
في صيانة ال-١٠٠٠
بيتغير فيها زيت و فلتر
و بيشيل المصنعيات للعاربيات إلي في ضمان
يعني لو العربية فالضمان= حوالي ٢٥٠ جنيه تقريباً
أما لو خليجي= حوالي ٤٣٠ جنيه تقريباً
شفت بئة ازاي في فرق والفرق د حيكون في كل الصيانات

**matrix007** · 11-10-2009 11:36 AM

ياترى فى اماكن بره بتعمل الصيانة الدورية بنفس كفائة التوكيل و لا لأ و لو فى يا ترى بيفحصو كل حاجة فى العربية زى التوكيل و لا بيغيروا زيت و فلتر بس و بتبقى تكلفتها كام

**matrix007** · 12-10-2009 09:46 PM

ممكن لو سمحتوا بس تردو عليا ياترى فى اماكن بره بتعمل الصيانة الدورية بنفس كفائة التوكيل و لا لأ و لو فى يا ترى بيفحصو كل حاجة فى العربية زى التوكيل و لا بيغيروا زيت و فلتر بس و بتبقى تكلفتها كام

**AHMED REFAT** · 12-10-2009 10:32 PM

اخى الحبيب ليست المشكلة فى عمل الصيانة فلو حتى الصيانة لاتتم على تلك النقط التى تتحدث عنها فهم سوف يقومون بها وازيد كمان لو عايزهم يفوكوا العربية ويرجعوها تانى ما عندهمش اى مشاكل هو المشكلة فى الدفع ... افحص تدفع ... وهى دى المشكلةفعليك الاختيار بين مميزات الخليجى وضمانة الوكيل