مساعدة بسرعة بخصوص الجين تو

**eslamashour2005** · 11-11-2007 12:58 AM

لو سمحتم يا جماعة محتاج مساعدة ضوروي و بسرعة لاني حجزت جين تو و المفروض استلم بعد بكرة و بعدين ناس خوفتني من العفشة و بتقول انها بتفكك بسرعو و بتحتاج تربيط كل شوية هل ده صحيح و هل ده عيب فيها و لا هي زي بقية العربيات علما اني انا ساكن في منطقة فيها تكسير كتير و بعدين ياريت حد يقولي لو في حاجة المفروض اشوفها و انا بستلم العربية او اتمم علي حاجات معينة

**Ahmed Hassan** · 11-11-2007 01:15 AM

كل اللي هاقولهولك حاجه واحده

اعتبر نفسك مسمعتش حاجه.. العربيه عفشتها جامده فعلا.

**ahmed_gamal** · 11-11-2007 03:30 AM

لا الكلام ده مش صحيح عن تجربة والله بس اتاكد ان كل الزراير شغالة والمكن بتاع الزجاج الكهرباء علشان الحاجات دي كان في عربيات فيها شوية مشاكل بس ان شاء الله مايبقاش في حاجة والف مبروك مقدما

**Heshaam** · 11-11-2007 05:00 AM

المشاركة الأصلية كتبت بواسطة Ahmed Hassan

كل اللي هاقولهولك حاجه واحده

اعتبر نفسك مسمعتش حاجه.. العربيه عفشتها جامده فعلا.

+1

**sab3aawy** · 11-11-2007 08:46 AM

طالما انك مش ناوى تركب 4*4 كبيرة زى الباجيرو او اللاند كروزر فأى عربية هتركبها فى بلدنا العزيزةعفشتها هتفك وهتحتاج تربيط

الجين تو عربية اكثر من رائعة للشباب

حتتين قطن مبلولين مية حطهم فى ودانك* وتوكل على الله واستلم عربيتك

____________________________________
*علشان متسمعش فتاوى كتير

**abo3bdolrahman** · 11-11-2007 10:39 AM

لو ساكن فى منطقة مكسرة أكثر من عزبة النخل اللى أخويا ساكن فيها و انا كمان أنصحك تجيب لاند كروزر لأن مش هاتنفع معاك أى عربية و بالمناسبة انا معايا واجا و أخويا جين 2007 و ما فيهاش أى مشاكل و لا حتى مشاكل التقفيل البسيطة اللى ظهرت فى موديلات 2005 و 2006 و ربنا يباركلك فيها. :D

**yasserayad** · 11-11-2007 07:33 PM

الف مبروك عليك باذن الله ربنا يباركللك فيهاويصرف عنك اى شر
احنا نظامنا فى مصر كده
الجماعه اللى قالولك كده اسالهم هما رايهم احسن عربيه ايه حايقولوا مايزاراتى مثلا
اسال جماعه تانيه حايقولوللك ابعد عن العربيه دى تعبانه
ودول ودول لا ركبوا دى ولا حايركبوا دى
ربنا يوفقك

**eslamashour2005** · 11-11-2007 09:39 PM

ربنا يخليكوا طمنتوا قلبي انا هتوكل علي الله و اروح استلم و بشكر كل الناس الي ساعدوني هنا في المنتدي لاني استفدت منهم كتير و انا بدرس العربية و ربنا يبارك لكم جميعا