هل يوجد أضرار من وضع مياه عاديه فى الريداتير ؟
صباح الفل على الوحوش
عربيتي من يوم ماجبتها من 8 شهور و أول ما تمشي شوية و العربية تأخد حرارتها المظبوطة بيبقى المؤشر على تالت شرطه بالظبط و مش بيزيد عن كده المهم من 5 أيام المؤشر ابتدا يزيد بس مدخلش في الأحمر يعني أنا قولت أقف شويه أشوف فيه إيه أستنيت 10 دقايق كده على ما العربيه هديت و رحت فاتح الريداتير أول ما لفيت الغطى طلع صوت طرقعه كده كأن الهوا مضغوط المهم ماعملتش حاجه فيها و ركبت و مشيت لاقيت مؤشر الحرارة إتظبط و رجع زي الأول بالظبط بس برضه عشان أطمن قولت أروح للميكانيكي أقوله إيه اللي حصل
قالي غلط إنك تفتح الريداتير و العربيه مش بارده تلاجه و كده فيه هوا في دايرت الريداتير و لازم يفضي الهوا ده بعد العربيه ما تبرض قولتله ماشي فك خرطوم الريداتير و طلع الميه اللي فيه و بعدين جه يزود ميه قولتله أجيب الميه الملونه دي منين قالي مش لازم ميه ملونه و الميه العاديه مبتفرقش بعدين مشيت و العربيه زي الفول معايه من يومها الحمد لله
دلوقتي بقلب في المنتدى لاقيت واحد كاتب إنه عربيته بولو حط فيها ميه عاديه بوظت القربه و الخرطوم و كوعة الميه عشان الأملاح اللي فيها
فبتديت اقلق و مش عارف أعمل إيه و الميه دي بتتجاب منين و قد إيه ؟ وهل ماركه معينه و لا ميه ملونه و خلاص ؟
