راى العصابة ايه فى الرادياتير الصينى

**ASKAFRAWY** · 11-10-2009 01:49 PM

ياجماعة انا حصلت معايا مشكلة من يومين نتيجة ان thermostatic valve علق ومفتحش الحرارة زادت جدا انا افتكرت عيب المروحة لكن طلع عيب الثرموستات الميكانيكى و الخزنة بتاعت الرادياتير ضربت و الحمد لله

المهم انا قولت اجيب رادياتير كامل مفيش جديد غير صينى و سعره 250 و الاستعمال شكه مايسرش و ب200 جنيه

جبت الصينى و ضمانه 6 شهور وركبته و كله تمام بس شكله مش مطمنى
المهم حد جرب الرادياتير دة قبل كده؟شكل اللحامات و الخامات ضغيفة جدا و مش عارف هيتحمل ولا لا
ياريت لو حد مركبه او سمع عنه يفيدنى و هل فيه جديد غير الصينى؟
و شكرا

**ASKAFRAWY** · 11-10-2009 03:00 PM

المشاركة الأصلية كتبت بواسطة danash

انا مركبة من حوالى شهر وزى الفل

الف شكر ياباشا يعنى مفيش منه مشاكل...انت اختبرته فى اسوأ فترة من السنة :b4_388:
اصل بصراحة شكله ضعيف اوى بس انا توكلت على الله و ركبته

**Atef Saleh** · 12-10-2009 10:31 AM

ردياتير محترم و زى الفل توكل على الله مش مشكله خالص ان شكله ضعيف او خفيف انا تاجر قطع غيار و مركبه فى عربيتى من سنه و الحراره مظبوطه تمام التمام .

**N.a.j.d** · 12-10-2009 10:56 AM

كلام زي الفل

**tananybasha** · 12-10-2009 11:24 PM

الف مبروك يا باشا و ربنا يباركلك فيه و يحفظه
و سعره اكيد تحفه
بس سؤال ليه مغيرتش العلبة الدايبه و سبت الأصلى بتاع العربية لو مش بايظ او مسدود
و بالنسبة لشيل ترموستات الكوعه فيه ناس بتفكه بس بالتالى بتخاطر بجوان وش السلندر

**ASKAFRAWY** · 12-10-2009 11:31 PM

المشاركة الأصلية كتبت بواسطة tananybasha

الف مبروك يا باشا و ربنا يباركلك فيه و يحفظه
و سعره اكيد تحفه
بس سؤال ليه مغيرتش العلبة الدايبه و سبت الأصلى بتاع العربية لو مش بايظ او مسدود
و بالنسبة لشيل ترموستات الكوعه فيه ناس بتفكه بس بالتالى بتخاطر بجوان وش السلندر

المشكلة ان الاصلى من عمر العربية يعنى بقاله 14 سنه شغال فكفاية عليه كدة لانه بدأ اللحامات تضعف جدا فغيرته كله بدل الخزنة الدايبة
انا عملت كدة لان ترموستات الميكانيكى ميزة للبلاد الاوروبية الباردة لانه بيقفل سكة المياه الرايحة للرادياتير عشان تتبرد فبالتالى الموتور يسخن بسرعة
هنا فمصر انحنا مش محتاجينه لان الجو والحمد لله سخن على طول
ايه مخاطره على وش السيلندر؟؟؟؟
انا الاعرفه ان التبريد هيكون احسن لان المياه دايما مبردة باستمرار

**tananybasha** · 12-10-2009 11:36 PM

بص يا باشا المفروض ان دورة المية بتبقى على درجة معينه فدخول ماية بشكل مباشر ممكن يأثر على وش السلندر و الله اعلم بدليل ان العربيات فى الخليج فيها الترموستات ده و كان على موقع حوار كامل عنه و عن الغائه هدور عليه

**ASKAFRAWY** · 12-10-2009 11:55 PM

المشاركة الأصلية كتبت بواسطة tananybasha

بص يا باشا المفروض ان دورة المية بتبقى على درجة معينه فدخول ماية بشكل مباشر ممكن يأثر على وش السلندر و الله اعلم بدليل ان العربيات فى الخليج فيها الترموستات ده و كان على موقع حوار كامل عنه و عن الغائه هدور عليه

فى انتظارهذا الحوار ياباشا لانى بصراحة لغيته لانه كان سبب فى ضرب جوان وش السيلندر عندى قبل كدة بسبب انه بيعلق على وضع قفل

الموضوع: راى العصابة ايه فى الرادياتير الصينى

LinkBack

أدوات الموضوع

عرض

راى العصابة ايه فى الرادياتير الصينى - انشر الموضوع فى :

-

-

-

-

-

-

-

المواضيع المتشابهه

اخبار العصابة المفترية ... العصابة الهونداوية .

صور العصابة المفترية ..... العصابة الهونداوية

"قسم السيارات الصينى نايم" تعالوا نصحصح (ماهى السيارات الصينى داخل مصر) موضوع متجدد

راى العصابة ايه؟

انا جديد فى العصابة ممكن استشير افراد العصابة الاوتوماتيك فى حاجة

الكلمات الدلالية لهذا الموضوع

المفضلات

المفضلات

ضوابط المشاركة