العربية بتنتش 2107 موديل 2008

**abdallah23** · 17-10-2009 01:26 AM

الاخوة الاعزاء
رجاء افادتي العربية 2107 موديل 2008 في السرعة 40 بتنتش والسرعة 50 - 60 بتنتش وغيرت طقم الكهراء ( ابلتين - كوندينسر - 4 بوجيهات ) ومفيش فايدة رجاء الافادة

**lada2010** · 18-10-2009 12:13 AM

دا عيب الاسبرتير مش مضبوط

**Mustafino** · 19-10-2009 12:25 AM

سيدى الفاضل،
أعانى من نفس العيب منذ فترة ليست قصيرة حتى تعودت علية و صرت أعتبرة من العيوب المزمنة فى اللادا.... د/مصطفى

**ahmedelnahas** · 07-11-2009 02:28 AM

هي العربية انجكشن ولا كربيراتير عادة؟؟ لو كربراتير يبقي العيب في النتشة دي من بكات السرعة ممكن تكون محتاجة ظبط وطالما غيرت الابلاتين والكوندنسر زي مبتقول والعيب موجود زي مهو وكمان موديل 2008 يبقي ملحقش صانية الاسبراتير تبوظ
ممكن تعدل العربية استبراتير الكتروني علشان تريح دماغك من وجع قلب الابلاتين والكوندنسر والدوشة دي وكمان هيفرق في سحب وشدة العربية

اما لو انجكشن يبقي تشوف الرشاشات اكيد محتاجة نظافة ممكن تبداء الاول بالمواد اللي بتتباع لتنظيف الانجكشن وهي اسبراي بيترش والعربية شغالة من فلتر الهوا بعد متشيلة لحد متحس ان العربية اتسلكت

اعتقد كدة كل اسباب النتشة في السرعة البطيئة انا قلت عيوبها واصلاحها ياريت لو حد عندة خبرة اكبر مني يزودني معلومة
شكرا شباب

**hook1st** · 23-11-2009 08:38 PM

باشاالعيب دا كان عندي وكنت باغير طقم كهربا كل شهر لغاية ما وصلت كل اسبوع الفكرة ياباشا انه الكربراتير بتاع اللادا بيكون واسع احسن حاجة تروح لمتخصص كربيراتيرات وتخليه يضق الكربراتير ويظبطه وهاتلاقي الدنيا اتظبطت

**abdallah23** · 21-02-2010 01:33 AM

الاخوه الاعزاء
تأخرت عليكم ولكن عند المشاهدة للمنتدي وجدت الموضوع وقلت اعرفكم السبب كان ايه السبب كان الشاكوش اللي متركب فوق الاسبراتير

**ah79** · 27-02-2010 12:42 PM

نصيحة مني لو انت في الضمان خليهم يتاكدوا من ضبط حاجة اسمها خلاط الكربيراتير وهو المسؤل عن خلط البنزين مع الهواء ولو مش متظبط حيخلي العربية تنتش وكمان هباب اسود من الشكمان والبوجيهات الجديدة حتهبب اسود كمان