تعديل 125

**ada7** · 07-11-2009 06:14 AM

أنا عندى عربيه 125 بقالها معايا كتير وانا بعزها جداً ونويت اشدها صح وأعدلها بس مش علرف دى تتعدل ازاى يعنى لو هيتسقط لها موتور جامد جداً يكون ايه وبكام ؟؟
وعايز اظبط العفشه والشكل الخارجى والصالون .
وعايز اركب تكيف
انا عارف ان ناس كتير هتقول بعها وبالفلوس اللى ناوى تعدلها بيها اشترى حاجه احسن بس دى ليها مواقف جامده جداً معايا وانا بحبها جداً

**robeir** · 07-11-2009 10:27 AM

انا كمان عند 125 و هى عربيه مش وحشه بس فعلا قبل ما تصرف الى قرش عليها احسب كل التكاليف على السعر الممكن تبيعع به العربيه و شوف ممكن تجيب ايه !! لسبب بسيط ان ال 125 زى العربيات القديمه كلها معدومه من اى وسائل الامان و ربنا يوفقك و تعمل الاصلح ....

**ozy2026** · 08-11-2009 02:18 AM

بالنسبه للموتور عندك مواتير ال 131 كلها تنفع تركب عندك
1300 واحد كامه

1600 واحد كامه ده انا مركبه عندى

1300 2كامه

1600 2كامه

1400 cl
1600 cl
واخر ماكينتين دول انضف حاجه فى ال131

وكل ماكينه من دول ليها مميزاتها واللى هيفرق هو احتياجك منها ايه
بس قبل الموتور تبقى مظبط العربيه سمكره ودوكو ولون جامد ميتاليك وممكن تعمل عتب وشغل فيبر
وبعدين تخش على الصالون لو انت الكراسى عندك نضيفه يبقى هاتلك كسوه جلد هتظبط معاك الدنيا
لو الكراسى هبطانه يبقى تروح تظبطها عند السروجى وبعدين تشوف هتعملها جلد جاهز ولا تفصيل
وبرضه ارضيه جلد وبعدين لو السقف والتابلوه تعبانين تظبطهم يبقى كده خلصت من الصالون

وبعدين فاضلك العفشه هى العفشه بتاعتها مش غاليه بس لو هتجيب حاجات نضيفه يبقى هتصرف شويه
وممكن تنزل عند توكيل مونرو وتشوف اللى انت محتاجه وهما عندهم كل عفشتها
يبقى كده خلاص فاضل بقى حاجات بسيطه زى الجنوط مثلا و الكاسيت والسماعات ودول ميزانيتهم مفتوحه على حسب مزاجك

بص انا كده قلتلك على كل حاجه وانت تشوف بقى تبدأ بأيه
طبعا تبدأ بالأساسيات اللى هى الموتور والعفشه وبعدين تخش على الدهان والصالون والحاجات دى
ولو عاوز اى استفسار انا تحت امرك
انا عاشق من عشاق العربيه دى

**eng.octooo** · 08-11-2009 11:29 PM

العربية دى مرة شفت عليها اللون الاسود المط وجنوطسوداء وكانت تححححححححححححفة

**magyver** · 09-11-2009 01:53 AM

فية حد هنا بتكلم عن ال 125
انت الاول ميزانيتك كاااام
وقبل ك ااجة لازم تظبط سمكرة صح وبوية صح الصح علشان الشغل يبان عليها
انا معايا واحدة
مظبط فيها كام حااجة كدة
مغير مكنة وموطيها وجنط وسوند سيستم
وبقوو تني اهم حااجة في كل دة
السمكرة والبوية
قي انت بس ميزانيتك كااااام
واحنا نفيدك

**bmw323** · 09-11-2009 05:01 PM

المشاركة الأصلية كتبت بواسطة magyver

فية حد هنا بتكلم عن ال 125
انت الاول ميزانيتك كاااام
وقبل ك ااجة لازم تظبط سمكرة صح وبوية صح الصح علشان الشغل يبان عليها
انا معايا واحدة
مظبط فيها كام حااجة كدة
مغير مكنة وموطيها وجنط وسوند سيستم
وبقوو تني اهم حااجة في كل دة
السمكرة والبوية
قي انت بس ميزانيتك كااااام
واحنا نفيدك

ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه ههههههههه

أحلى 125 فى المنتدى

**ada7** · 10-11-2009 05:21 AM

مش محدد بالضبط بس اكيد مش هتزيد عن عشر الاف جنيه ابداً

**ada7** · 10-11-2009 05:25 AM

ياريت لو حد يقولى اعمل ايه فين يعنى يقلى على سمكرى نضيف ,كهربائى نضيف واجيب حاجتها منين

**magyver** · 11-11-2009 02:47 PM

10 الاف جنية كويس يخلوها (عرووسة)
طيب انت مننين علشان نقلك
وعلشان احسبلك الحاجة كمان
وياري توريني صورة لعربيتك عايز اتاكد من حاجة

**ada7** · 13-11-2009 06:55 PM

مدينة الشروق وجارى التصوير

الموضوع: تعديل 125

LinkBack

أدوات الموضوع

عرض

-

-

-

-

المواضيع المتشابهه

تعديل تابلوه السيراتو (تعديل جديد )بالصور .موضوع 5 نجوم.

تعديل سنتافى 2013 تعديل لن تراه فى مصر

تعديل هيونداى ألنترا - كدة أحسن ولا من غير تعديل ؟

اول تعديل منى تعديل للمتسوبيشى ايفو كوبيه و اريد رائيكم فيه و شكرااا

الكلمات الدلالية لهذا الموضوع

المفضلات

المفضلات

ضوابط المشاركة