الموضوع: أشترى سيمبول و لا لأ ؟

اول حاجة مبروك انضمامك للمنتدى ياباشا وانا مش هكلمك على العربية دى بالذات بس كل الى هقولك ان الناس عندنا فى مصر والغالبية العظمى عندها ثقافة استهلاكية فى قطع الغيار يعنى عندو يشترى كل يوم قطع غيار رخيصة ولا يشترى كل سنة حاجة غالية واغلب الناس بتفكر فى كده عشان كده تلاقى سوق العربيات الكورى مغرقة عندنا السوق وده طبعا بس رخص قطع الغيار بس للاسف 99% من القطع الرخيصة دى مش اوريجنال ياما مضروبة عندنا هنا فى مصر يا اما جاية من الصين وكله فى الاخر بيدخل على مكن طباعة وحفر وينزل عليه علامات التوكل ولو ليك حد صاحبك قوى فاتح محل قطع غيار اسالو هيقولك نفس الكلام وغير كده فى مناديب من شركات ومطابع بتعدى على المحلات دى عشان يقدملهوم عروض وخصومات على تقليد وحفر وطباعة العلامات التجارية وكله بيبع وطبعا حضرتك عارف الذمم عندنا عاملة ازاى فى جشع التجار بس المشكلة الخطيرة مش فى كده المشكل ان الحاجت دى بتاثر على السيارة فى المدى الطويل وممكن تعمل مشاكل على الطريق ومن ناحية تانية لو حبيت تحسبها هتلاقى ان قطعة الغيار الاوريجنال الغالية هتعيش نفس المدة ويمكن اكتر من عدد مرات شراءك للقطع الرخيصة دا طبعا غير اضافة عامل الامان ففى النهاية اتوكل على الله وجيب العربية الى نفسك فيها ويارب تنضم قريب لوحوش رينو وعلى فكره كان معايا رينو 9 قعدت معيا اكتر من سبع سنين وكنت بجيب ليها قطع الغيار وبتعيش وبعد كده جبت اللوجان على الرغم من الكلام الى بيتقال عن غلو قطع الغيار فلو دى كانت مشكله اكيد كنت اشتريت اى نوع تانى وناوى لو ربنا كرم بفلوس وغيرت فى المستقبل اجيب الميجان وسيبك من موضوع قطع الغيار الى مش متوفره ده لان اى عربية لسا بتنزل جيد السوق ما بتاخد وقت قبل ما التوكيل والتجار ما يستوردو قطع غيارها ومع مرور الوقت بترخص وربنا يوفقك.