قدرت اجمع طقم صوت حنين اوي بس عاوز رايكم في حاجة
دلوقتي انا معايا اكسنت 2000 وكانت من غير كاسيت
احترت اشتري كاسيت صيني حنين ولا اجيبه استيراد ياباني
وقعت علي كاسيت ياباني اسمه فوجتسو بس تحفة تقريبا بتاع كورولا اواخر التسعينات شرايط والخرج بتاعه 50×4 و بيشغل 2 شاشة دي في دي و بيشغل سي دي تشانجر و امكانات تحفة
وكان عندي سماعتين سوني اكسبلود 400 وات 3 واي
ركبتهم بس لللاسف عند كهربائي مش بتاع كاسيت
طبعا اضطر انه يقطع في الصاج بتاع الشنطة عشان السماعات بيضاوي و لكن في التركيب مقعدش السماعات كويس فبحس ان فيها زنة مش مدياني البيز اللي انا عاوزه او زي ما تقولوا كده شخللة
السؤالين بقا
1- هل لازم اروح لبتاع تركيب كاسيت يعمل لي رف كونتر ويقعد عليه السماعات عشان الشخللة تروح وبعدين نركب فوقيهم الفبرة الاصلية
2- الكاسيت مش بيجيب علي الاف ام الا اخر تردد 90 وسالت بتاع المحل الاستيراد صحبي قالي عشان الكاستات دي وارد الخارج فبيكون التردد بتاعها مظبوط علي بره ولازم اروح لبتاع الكترونيات بيركب لي اي سي يعدل فيه الموجات ويلقط موجات مصر (هل الكلام ده سليم) مع العلم اني مش عاوز افرط في الكاسيت لانه بصراحة نضيف اوي اوي
المفضلات