الموضوع: افضل زيت للانسر

من الاخار مهندس أعرف في جاجوار قالي موبايل ١ سيء جداً وأحسن حاجة دلوأتي شل بلس وتغير كل ٥٠٠٠ فالصيف أو ٦٠٠٠ فالشتا . بصراحة أنا جربتو فاللانسر و تمام .

موبيل1 أو شيل هيليكس ألترا و الإتنين زيوت تخليقية 100% و تقريبا نفس السعر

انا عربيتى عاملة 90000كم و من ساعت ما جبتها و انا بأستعمل موبيل1 و بغيره مع الفلتر كل 10000كم و الدنيا زى الفل

شيل هيلكس ألترا من كتر ما فى ناس بتقول عليه أفضل من موبيل1 و الكلام ده جربته 10000كم و رجعت بعد كده لموبيل1 تانى و بصراحه هو شيل كويس بردو بس مش أفضل من موبيل1 ولا حاجه و محستش بفرق خالص و لا حتى فى النعومية و صوت الموتور زى ما الناس كانوا بيقولوا و كمواصفات هندسية بالأرقام موبيل1 أفضل لأن درجات لزوجته متعددة فى رينج درجات حرارة أكبر

موبيل1 5w-50
شيل ألترا 5w-40

مشكلة موبيل1 هى انه ساعات بيبقه فيه منه مضروب و مصانع تحت السلم بتعبى فى العلب المستهلكة بتاعته أى زيت تعبان و تعيد بيعه وده حلها متجيبوش من أى محل زيوت و تجيبه من محطه من محطات موبيل اللى بتكون تابعه لشركة إكسون موبيل و ليس محطات موبيل اللى ممكن تكون ملك أفراد و ده تعرفها بإن المحطات اللى بتكون تابعه لشركة إكسون موبيل بيكون فيها سوبر ماركت on the run والمحطة اللى انا شخصيا بتعامل معاها من زمان و بغير فيها الزيت بقالى 90000كم هى موبيل منشية البكرى اللى فى الخليفه المأمون أمام سوق العصر بتاع الكمبيوتر.

و بعدين موضوع الغش ده فى بلدنا إنتشر جدا يعنى ممكن يكون فيه شيل مضروب بردو و إحنا مش عارفين عشان كده مبدأ الحذر فى كل حاجه واجب.

التوكيل نفسه بيستعمل موبيل1 و لو غيرته فى التوكيل كل 10000كم مع الصيانات يبقه انت كده ضامن الزيت 100% لأن الزيت من التوكيل أكيد مش مضروب و جايبينه من إكسون موبيل رأسا بكميات و تعاقدات.

فيه زيوت تانيه كتير و أكثرها ليست تخليقيه 100% و هى كويسه بردو و لكن أحسن نوعين ممكن تحطهم هما اللى قولتلك عليهم .

موبيل1 (و متسمعش الإشاعات و تأكد انه مش مضروب بإنك تحطه من مكان ثقه)
شيل هيلكس ألترا

Mobile 1 or ....l Utrla 10.000
الاتنين زى بعض

طيب بالنسبة لموضوع الصيف و الشتاء يعنى احط زيت10000 طول الصيف و لشتاء و لا فى الصيف 5000 و الشتاء 10000

يا باشا صيف ايه وشتاء ايه كبر دماغك
انت بتغير الزيت كل 10 الاف كيلو ولو مش بتمشى كتير غيره كل سنه وخلاص
يعنى 10 الاف كيلو او سنه

مفيش حاجه اسمها صيف و شتا مع الزيوت التخليقيه زى موبيل1 أو شيل الترا و هو أصلا معمول عشان يحمى المتور من التآكل فى جميع درجات الحرارة من -40 لغاية +55 درجة مئوية و الزيوت ده معمره جدا و ممكن تقعد لغاية 20000كم كمان و أكتر بس إحنا اللى محسوكين و بنقول 10000كم فقط