الموضوع: بتستخدم بنزين إيه للفلونس؟

المشاركة الأصلية كتبت بواسطة melmegharbel

انا عملت الإستطلاع ده عشان أعرف تجاربكم مع الفلونس وأنواع البنزين اللى فى مصر

انا عن نفسى فولت 3 مرات حتى الأن وبستخدم بنزين 95 وهكمل لفترة عشان أقيم التجربة من حيث التكلفة والكفاءه

المشاركة الأصلية كتبت بواسطة bukla

انا فعلا كنت ناوى لما استلم ان شاء الله انى استخدم بنزين 95 اولا للحفاظ على العربية و ثانيا للحصول على اعلى اداء ممكن منها يا ترى ممكن تقولنا معدل استهلاكها للبنزين قد اية بمناسبة انك بتستعمل 95 بقالك مدة

ايه يارجاااله انا شايف والله اعلم ان بنزين 95 كتيييير اوي
بس طبعا لو لازم او هيحافظ علي الفلونس كده هضطر اااسف افول 95
انا دايما بفول ب 92 وشاايف انه نظيف جدا بعتراف ناس كتيره معاهم جيتا وسيفيك وa5 وانواع كتير عاليه الماني
وكمان بتهيئلي برده الناس المعاها ميجان بيحطه 92
موضوع 95 كتير عليه

المشاركة الأصلية كتبت بواسطة hero

أنا مش راكب فلوينس...

بس انا شايف ان الـ 95 مالوش لازمة في مصر خاااالص...دة عايز مواتير نسبة انضغاطها عالية جدااااا..فوق الـ 11.5...عربيات رايسينج

ياسلام عليك كده حاسيستني ان الدنيا لسه بخير
hero فعلا

المشاركة الأصلية كتبت بواسطة bukla

انا فعلا كنت ناوى لما استلم ان شاء الله انى استخدم بنزين 95 اولا للحفاظ على العربية و ثانيا للحصول على اعلى اداء ممكن منها يا ترى ممكن تقولنا معدل استهلاكها للبنزين قد اية بمناسبة انك بتستعمل 95 بقالك مدة

فى خلال 700 كيلو إستخدام وتقريبا معظم الطرق كانت سريعة، كمبيوتر العربية حاسب إستخدام بمعدل 8.5 لتر لكل 100 كيلو تقريباً

المشاركة الأصلية كتبت بواسطة hero

أنا مش راكب فلوينس...

بس انا شايف ان الـ 95 مالوش لازمة في مصر خاااالص...دة عايز مواتير نسبة انضغاطها عالية جدااااا..فوق الـ 11.5...عربيات رايسينج

على فكرة على الرغم من إن نسبة إنضغاط الفلونس 9.5 إلا إن البنزين الموصى بإستخدامه من رينو هو 95

وفكرة إن المواصفات اللى نازلة فى مصر مختلفة، فده كلام أنا مختلف معاه تماما، ممكن يكون الفرق فى إرتفاع العربية ماشى لكن الموتور لأ طبعا، انا عارف إن فى أنواع تانية من العربيات بتنزل اكتر من موتور ولكن نفس الموتور مع تغيير نسبة الإنضغاط فقط ونوع البنزين المستخدم، ده كلام غير منطقى.

أنا مقتنع تماما إن موتور الفلونس هو نفس الموتور اللى بينزل بره والموصى له بإستخدام بنزين 95، وأن الحد الأدنى هو بنزين 92 وهو المطبوع على غطاء التنك.

المشاركة الأصلية كتبت بواسطة melmegharbel

على فكرة على الرغم من إن نسبة إنضغاط الفلونس 9.5 إلا إن البنزين الموصى بإستخدامه من رينو هو 95

وفكرة إن المواصفات اللى نازلة فى مصر مختلفة، فده كلام أنا مختلف معاه تماما، ممكن يكون الفرق فى إرتفاع العربية ماشى لكن الموتور لأ طبعا، انا عارف إن فى أنواع تانية من العربيات بتنزل اكتر من موتور ولكن نفس الموتور مع تغيير نسبة الإنضغاط فقط ونوع البنزين المستخدم، ده كلام غير منطقى.

أنا مقتنع تماما إن موتور الفلونس هو نفس الموتور اللى بينزل بره والموصى له بإستخدام بنزين 95، وأن الحد الأدنى هو بنزين 92 وهو المطبوع على غطاء التنك.

الحمد لله ان 92 ينفع
بالمناسبه ياستاذ melmegharbel لو بعد ازنك تقول رئيك في الفلونس واضح انها بقلها معاك فتره مش بطاله وياريت لو اي حد عنده تعليق علي الفلونس زي استاذ wal ماعمل موضوعه
يعني تقول كنت راكب ايه قبلها وايه وجه المقارنه بينها وبين القديمه وايه كمان الخلاك تجيب الفلونس
وعمله معاك علي الطريق واستهلاكها في البنزين
كمان ياتري ركنها سهل ولاصعب اصلها كبيره مووت ماشاء الله عليها
واول صيانه ليها ال1000 ولا 5000 كم وعملتها ولا لسه معلش يا استاذ melmegharbel هنتعبك معانا
وربنا يبارك فيها
وانا معاك انها تستحق تفول ب 95 لو مش هيفرق معاك
اسف علي الاطاله

انا لسة مستلم من أسبوعين فقط وللأسف انا ما بستخدمش العربية إلا فى الأجازة

انا كنت راكب مازدا 323 موديل 99 واحيانا بركب الهوندا سيفيك 2009

ولكن تفييمى إن العربية الحمد لله مريحة جدا فى الركوب، الباور خفيف جدا ومع المرايات الجانبية الكبيرة بيخليك ما تحسش بأى مشكلة فى الركن بالعكس الركن أصبح أسهل من زمان

طبعا الفرق الرئيس بين اليابانى والأوربى إن الموتور فى اليابانى حامى اكتر من الأوربى والتسارع فى السرعات المنخفضة أعلى بس من الترس التانى وانت طالع التسارع بيبقى ممتاز وعالى

أما الصيانة فبتبدأ من الـ 5000، مفيش صيانة عند الـ 1000

إستهلاك البنزين، فى خلال الـ 700 كيلو ومعظمهم على طريق السفر فكان 8.5 اتر لكل 100 كيلو، بس اعتقد إنها فى الزحمة هيبقى إستهلاكها اعلى من اليابانى، انا عامة عندى ميزانية للبنزين ثابته لو تناسبة مع البنزين 95 هكمل عليه لكن لو حسيت إن انا تخطيت الميزانية هحول للبنزين 92 طبعا