رقم العضوية : 38844
تاريخ التسجيل : 24Apr2009
المشاركات : 739
النوع : ذكر
الاقامة : مصر
السيارة: BYD F3 2012
السيارة[2]: Nissan Sunny M/T ABS 2010
الحالة :
أنا أستلمت العربية زيرو من الطارق وكانت عاملة 25كم تقريبا وكان الكلام ده في 15/7/2007 العربية كانت موديل 2007 ولونها أحمر - تقسيط من بنك بلووم مصر.
قبل العربية الفلاير كان معايا 128 وده له تأثير كبير على الكلام اللي هاقوله لأني ماليش خبرة في العربيات وف نفس الوقت العربية ال28 كانت تعباني جدا وكانت حالتها من أسواء الحالات.
طبعا لما استلمت العربية كنت حاسس أني راكب bmw كاسيت cd و4 زجاج كهرباء ومرايات كهرباء وتكييف وافتح التانك من جوة حاجة هنا
وده تقييم بسيط عن العربية قولت اكتبه للأفادة والله المستعان:
- العربية في البداية كنت حاسس أنها ناعمة بس بعد كدة ولما ركبت الفيرنا واللانسر مع قرايبي حسيت انها خشنة وناشفة قوي وبتحس بكل دبه وكل زلطة تحتك بس كانت بالنسبة ليا ومقارنه بال28
- الثبات: بصراحة كان لغاية 100 حلو وبعد كدة ضايع أنا جبت بالعربية لغاية 140 كم/س بس كنت حاسس إن العربية مش لامسة الأرض أصلاً وخفت لأن كان معايا الأولاد وانا مش بحب السرعة العالية وكانت العربية بتعوم مع عيون القطط وخاصة في الملفات زي اللي في نفق صلاح سالم وانت طالع ملطع يوسف عباس لأن ده كان طريق من البيت لشغلي.
- الفتيس: الحمد لله غيرت طقم دبرياج على 7000 كيلو مش عارف العيب مني ولا من العربية بس في واحد في التوكيل اشتكا من نفس العيب وبدأت أحس بالمشكلة مع ظهور رعشة في بداية الانطلاق وأحيانا كنت بحس في بعضة وخاصة لو نازل من غيار اعلى إلى غيار أقل بس عامة كويس مش وحش ناعم نوعا ما - مقارنة بال28 برضو- وكان أربع غيارات فقط والمارشدير كان معاه أنذار صوتي.
- الدريكسيون: العربية ماكنش فيها باور بس كان ناعم في الملفات وكان مريح جدا جدا.
- الكماليات: كانت فيها جميع الكماليات وكانت تعمل بكفاءة اللهم إلا مرة واحدة كان في فيوز ضرب في الكنترول يونت اللي في الباب الشمال اللي كان بيتحكم في الزجاج الكهرباء والمرايات واتغير بسهولة وأنا ركبت فيها إنذار وكنت عايز أركب وحدات رفع بس الراجل ماعرفش مش عارف ليه
- الشنطة: طبعا كانت ضايعة بس انا كانت استخداماتي بسيطة لأني عبارة عن أسرة صغيرة بس كانت عربية البيبي مابتدخلش فيها غير لو طبقت الكنبة الخلفية.
- الاستهلاك: أحلى ما في العربية استهلاكها للبنزين انا كنت بعمل 250 كيلو في الصفيحة جوة البلد بالتكييف والله و350 في السفر بدون مبالغة بس أنا مابعديش 100كم/س.
- كان فيها مشكلة ارتفاع الار بي ام الغير مبرر اللي موجود في الافيو ده ولغاية لما بعتها مش عارف السبب.
- التوكيل: لا هو ضايع ولا هو ممتاز يعني كانوا بيحلوا مشاكل العربية بس أحيانا ماكنتش تتحل غير لما اظبط الفني اللي شغال في العربية بعشراية ولا حاجة، خلال فترة 20000 غيرت الآتي في التوكيل: سيرفو فرامل وطقم الدبرياج وقربة المياة كانت مخرومة خرم بسيييييييييييط جدا بس العشراية كان ليها مفعول السحر والصيانات الدورية العادية وصيانة الألف مجانا تماما بما فيها ثمن الزيت والفلتر مادفعتش ولا مليم.
- بعض قطع الغيار كانت غير متوفرة يعني قعدت حوالي شهر لغاية لما جابوا طقم الدبرياج وفانوس الشبورة الخلفي كان مكسور مجاش لغاية لما بعتها.
- سبب البيع: والله ماكنت هابيع ده أنا يادوب دفعت اقساط سنة واحدة بس ظروف السفر وخفت اركنها وقلت إن شاء الله اجيب حاجة أفضل لأني كان عندي قناعة انها مش هاتعمر قوي.
- عامة هي عربية حلوة على قد فلوسها بس كان ناقصها انتشار علشان قطع الغيار بتاعتها مشكلة ومناسبة لأسرة متوسطة دخلها متوسط
وآسف على الأطالة
بسم الله الرحمن الرحيم (ادخلوا مصر إن شاء الله آمنين) صدق الله العظيم[aldl]http://img689.imageshack.us/img689/4961/18354359.jpg[/aldl]
رقم العضوية : 35810
تاريخ التسجيل : 17Mar2009
المشاركات : 2,111
النوع : ذكر
الاقامة : أسكندرية
السيارة: جزمة geox
السيارة[2]: مقضيها بلطجة
الحالة :
فعلا الفلاير جميله لكن مشكلتها بعد ماأتفرجت على أعضاء المنتدى معانا حسيت فعلا أن المشكلة الكبيرة فى عدم توافر قطع الغيار من الوكيل رغم أن نفس الوكيل دة إلى ماسك byd f3 و العربية دى بسم الله ماشاء الله كل قطع غيارها بقيت فى التوفيقيه
و المفروض الوكيل كان يهتم شوية بالفلاير عشان تنتشر زى الماروتى لكن أهتموا أكتر بالـF3 و حتى الأن مشاكل الفلاير فى قطع غيارها و كمان محتاجة شاب بسيط مش بتاع دريفتات و الكلام ده
و شكرا على تقريرك الممتاز
[img3]http://img46.imageshack.us/img46/4245/1867717134copy.jpg[/img3]
تحت رعاية
أقوى جروب لحمايه المستهلك من السرقة
المفضلات