الموضوع: أخر اخبار byd f3

المشاركة الأصلية كتبت بواسطة yasserhome

أولاً السعر:
BYD F3 JI السعر الحالى :- 61900 متوفرة بالمعارض
BYD F3 JLI السعر الحالى :- 67000 بالحجز مسبقا
BYD F0 السعر الحالى :- 42000 الفلاير
بالنسبة للسيارة BYD F3 JLXI فهى غير متوفرة حالياً و سيتم تجميعها بمصر بمركز الامل

ثانيا ًالكفاءة :
انا اشتريت السيارة BYD F3 JLXI منذ عام و نصف يعنى سنة 2008 شهر 8
ولان ناس كتيرة ارسلت لى تسأل عن السيارة بعد هذه المدة احب اعرف الناس و أطمنهم :
1- السيارة و الحمد لله بخير و حالتها ممتازة المهم الاستعمال و الصيانة الدورية
2- الخدمة فى مركز الصيانة جيدة بس مش ممتازة طالما معاك الضمان يعنى طول ما الضمان سارى الخدمة مش كويسة لان لو فية حاجة عايز تغيرها مش حيعملوها لك على طول لازم تزن عليهم و الاحسن انك تبلغ المهندس عمرو ابن صاحب التوكيل و هو بيتصرف معاهم و يخليهم يغيروا المطلوب ( ناس متجيش الا بالعين الحمرة )
3- الحمد لله السيارة فعلا مريحة جدا و عملية اوى اوى و السفر بها آمن جداً ومريح
4- جوة البلد مريحة رغم زحمة المرور وكترة الاشارات حاجة تقرف فعلاً
5- بالعربى العربية ممتازة بس انا معرفش اذا كانت الموديلات اللى حتتصنع فى مصر حيبقى موقفها اية ولا حالتها اية اكيد ولازم حيبقى فى فرق واضح بين برة و بين تجميع محلى .

ثالثاً الخلاصة :
الاجماع على ان السيارة تحفة و ممتازة بس التوكيل محتاج يتنشط شوية و اخر خبر عن التوكيل انة حيفصل صيانة BYD عن صيانة Lada وحيبقى فى القطامية بس لسة بيوضبوا في المركز الجديد

اى سئوال انا تحت امر الاعضاء المتحرمين اللى بيفهموا فى الصينى
كلمة اخيرة الصينى اكثر من 1000 سى سى يبقى محترم ابعد عن الفئات الصغيرة اللى اقل من 1300 سى سى
و الله الموفق

مشكور جدا حضرتك علي التقرير الجميل ولكن هناك ملاحظة صغيرة
الموديلات هي G-I و GL-I و GLX-I وليست J-I و JL-I و JLX-I

والسيارة F-0 ليست هي الفلاير ولا علاقة لهما ببعض فالفلاير توقف إنتاجها من فترة كبيرة

إنما الF0 موديل مستحدث وتقدر تجد تفاصيل كثيرة عنه من اللينك التالي:-
BYD Auto,Build Your Dreams

مشكور