شوف يا ريس اللى انت بتعمله ده مش سليم انت ممكن تسأل عن مدى توافر قطع الغيار و هل الاسعار معقوله او غاليه لكن تسأل عن معظم الاسعار ده مش مظبوط لأنك كده بتقدر البلاء قبل وقوعه زى مابيقولوا المنطقى انك تسأل عن اسعار السرفيس مثلاً لأن دى حاجات هتشتريها يعنى هتشتريها لكن الباقى انت و نصيبك و على العموم الاوبل زيه زى كل الالمانى قطع غياره غاليه شويه ( و ان كان هناك ظلم فى هذه المقوله و هاقولك ليه و ازاى كمان شويه ) لكن و الله العظيم و ده يمين اتحاسب عليه امام الله اللى ماركبش المانى لسه ماتعلمش السواقه ( عارف انى هاتقطع على الجمله دى من اصحاب الكورى الجبار - بس مش مشكله ) انا مصر على اللى قلته و مش هاغير اقوالى .
نيجى بقى لحكايه قطع غيار الالمانى غاليه انا و عن تجربه مع زملاء اعزاء عندهم عربيات كورى و ايطالى لقيت ان الاسعار بتاعه قطع الغيار مش بعيده عن الالمانى كتير و ساعات بتكون اغلى فى شويه حاجات قليله و برضه ممكن متلاقيش حاجات معينه فى اى محل على الرغم من الانتشار الواسع للعربيات دى بس هو انتشار كغثاء السيل مالوش لازمه يعنى و المحلات اللى شغاله فيها تعتبر محلات بقاله مش فاهمين فنصيحه لسيادتك اركب المانى بشرط الحاله الكويسه و الميكانيكى المحترم الفاهم و قطعه الغيار المحترمه تعيش سعيد و فى النهايه انا منتظر الهجوم المعتاد بس الجديد انى مش هارد على اى حد لأن دى وجهه نظرى و مش هاغيرها و الله الموفق .
المفضلات