الموضوع: عايز سيارة زيرو حتى 93000

شكرا للجميع على الردود السريعة و المفيدة ، و لكن اصبح لدى عدة اسئلة
أولا هل الياريس 1300 لا تتاثر بالاوتوماتيك و التكييف و الباور ، و معلوماتى انه لا يوجد منها 1500 او 1600 فى مصر ولا انا غلطان ؟؟
ثانيا بصراحة السيراتو عجبتنى جدا لما شفتها و خصوصا انها ستيبترونيك و لكن ايه حكاية مشكلة الوكيل ، بصراحة ماعرفش عنها حاجة ، و هل هى عربية كويسة و سعر قطع غيارها ايه و سعر اعادة بيعها ايه ؟
ثالثا انا عايز عربية عائلية بس ما يمنعش ان لما احب اعيش الشقاوة بالعربية الاقى ، فهل الياريس ام السنى ام السيراتو ام الماتريكس تكسب من ناحية الوسع الداخلى و ايضا العزم و القوة ؟
رابعا بصراحة انا موسوس من نواحى السلامة (الستار هو ربنا لكن اعقلها و توكل) فمين فيها ايرباج و ABS (و يا سلام لو EBD) من المجموعة المذكورة ؟
خامسا انا شفت الهوندا سيتى مرة فى المصرية للسيارات و عانيت من محاولة دخولى فيها (انا مش عملاق انا طولى عادى لكن لما حاولت اركبها راسى كانت جنب كتفى مش فوقه) حتى و الكرسى فى اوطى اوضاعه ، فهل المشكلة دى موجودة فى 2008 و لا اتحلت (سمعت انها شكل جديد) و هل فيه فرق جامد بالنسبة للاوتوماتيك مع الباور و التكييف بين 1300 و 1500 منها ؟
سادسا انا عارف ان السنى كلها تقفيل مصرى دلوقت فهل هناك مشاكل فعلية فيها (غير السماعات الجولدى و الكاسيت اللى بيخرفش و يسخن ، مع انها حاجات عيب تتوجد فى عربية فوق التسعين الف لكن هى دى الصناعة بتاعتنا) ، و هل فيه مشاكل تعوق الاداء او تقلل سعر اعادة البيع؟
اخيرا عذرا للاطالة و فى انتظار ردودكم على احر من الجمر