الموضوع: ازاى نيسان معندهاش مراكز صيانة خاصه بيها

السلام عليكم، وانا بعمل صيانة ال 5000 يوم الاربعاء اللى فات 16/مايو كنت فى مركز الصيانة بتاع الصحراوى قعدت من 9 الصبح لغايه الساعه 2ونص تقريبا علشان صيانة ال 5000 اللى هى ما فيهاش حاجه غير تربيط العفشه وخلاص. المركز ده تبع مودرن موتورز وبيستقبل عربيات السوزوكى والنيسان مع بعض وعلشان كده طبعا الدنيا زحمه جدا، والعربيات بتدخل نفس الورشه يعنى نفس العمال ونفس الاجهزه اللى بتتعامل مع العربيتين واحده، مش المفروض ان كل عربيه ليها طقم العمال الخاص بيها والاجهزه الخاصه بيها.
بالمناسبة انا اللى كان عندى مشكله السماعات ولما قلتلهم عليها فى صيانه ال 5000 قالوا حاضر حنشوفها وكان عندى مشكله تانيه ان العربيه بتحدف شمال وانا يستلم العربيهسألتهم اخبار السماعات ايه قالوا كله تمام المهم دفعت الفلوس بتاعه الصيانة 60 جنيه وده علشان انا ما غيرتش زيت وفلتر ورحت اشوف العربيه جربت السماعات لقيتها لسه بايظه زى ما هى. رجعتلهم تانى بعتوا معايا واحد يجرب السماعات قالى دى فعلا بايظه وقالى استنى حشوفهالك موجوده ولا لأ وبعد ما سال عنها قالى سورى ده مش موجوده ابقى تابعنا بالتليفون ولما تيجي نبقى نركبهالك قلتله السماعات تيجي منين مش دى جولدى مصرى قالى لا طبعا السماعات دى مستورده قلت له اذا كان الكاسيت اصلا مصرى تبقى ازاى السماعات مستورده قالى ما اعرفش اللى اعرفه ان السماعات مستورده. بس خلاص واضح ان ما حدش فاهم حاجه. وعلى فكره هو قالى ان ضمان السماعات كلها اللى قدام واللى فى ورا تبع التوكيل وده عكس الكلام اللى قالهولى بتاع كلاريون من ان ضمان السماعات اللى ورا تبع كلاريون واللى قدام تبع التوكيل،
واخدت العربه وروحت وطول الطريق والعربيه بتحدف منى شمال برضه جامد يعنى ما حدش عمل حاجه .
وشكرا
حد يعرف ممكن اعمل ايه. هى ليه الناس دى بتعمل كده وما حدش بيراعى ضميره فى اى حاجه ابدا