الموضوع: الحمد لله

المشاركة الأصلية كتبت بواسطة ozama22

الحمد لله اخيرا ان شاء الله سوف استلم السيارةgli منذ 3ساعات تقريبا تلقيت مكالمة رقيقة من الاستاذ خالد سليمان ثم الاستاذ مدحت من شركة الامل وقال لي انت حاجز معانا الgli فقلت نعم فاجاب تفضل استلم السيارة واي لون تختار الاسود ولا الفضي وهما اللونين المتاحين حاليا حيث تم الانتاج واتفقنا على الا ستلام باذن الله

ألف ألف مبرووووووووووووك

أحلي خبر ياباشا النهاردة وربنا يكرمك وتستلم عربية تمام التمام

وماتنساش تراجع العربية كويس وإنت بتستلم وتأكد كل شيء تمام

ألف مبروك وبكده تنضم لعائلة محبي الجميلة byd بس خللي بالك مش حنسيبك لازم تصورها لنا وإنت بتستلمها إن شاء الله وتحكي لنا عنها بالتفصيل

ملحوظة خللي بالك المشرفين ما بيسيبوش حد كاتب بالأحمر ممكن تأخد كارت أصفر وإحنا عاوزينك اليومين الجايين دول

المشاركة الأصلية كتبت بواسطة ozama22

شكرا لك ياباشا وياريت تنصحني وتقول لي اشيك واتمم على اية عند الاستلام

أهم شيء التأني علشان ما تنساش حاجة إن شاء الله

1- راجع جسم السيارة بالكامل من جميع الجهات

2- راجع إن كل شيء راكب مكانه زي مثلا الغطاء البلاستيك بتاع المساحات الأمامية لأنه بيكون مش راكب في عربيات كتيرة ومثلا غطاء شحن التكييف (أنا إستلمتها بدونه للأسف مكنتش أعرف)وطبعا من الأفضل تقارن بأي عربية واقفة زيها إذا تيسر لك علشان تقدر تأخذ بالك إيه ناقص وإن شاء الله مش حتلاقي حاجة ناقصة بس زيادة إحتياط

3- إستبن السيارة وبيكون جنط عادي مش إسبور - والكوريك ومفتاح العجل وعصا الكوريك وبيكونوا في شنطة سوداء صغيرة - الولاعة

4- كتيب الضمان وكتالوج السيارة

5- خطاب المرور ويكون موجه للمرور اللي حضرتك تتبع له في البطاقة

6- فاتورة البيع بإجمالي الثمن المدفوع

7- تأكد إن أجهزة السيارة تعمل كلها بتجريبها مثل الـ 2 ريموت كنترول والراديو - سي دي والعدادات والتكييف وشوف مدي تبريده للحظات والمساحات والمرايات والأنوار ولا تنسي الشبورة الخلفي طبعا دي مراجعة زيادة شوية بس علشان تطمئن من البداية إن كله تمام

وألف مبروك مقدما وياريت تطمننا إيه الأخبار لما تستلم إن شاء الله

المشاركة الأصلية كتبت بواسطة ozama22

شكرا على النصيحة واتمنى حضرتك تساعدني وتكون موجود في فرع النزهة الساعة 1400 باكر ان امكن

الحقيقة حأكون في الشغل بس حاحاول أستأذن

وحابعت لك موبايلي عالخاص