استلمت البرسونا لونها اسود من الصحراوى النهارده من استاذ محسن صالح و عملى الخصم 3000 جنيه و ده طبعا بمساعدة الباشا "احمد ابراهيم" اللى خنأتو معايا يومين بس حصل خير و الف شكر لكل واحد ساعدنى عشان اختار العربيه دى.....
نتكلم فى العربيه شويه...
- شكل من بره انا عارفه و حافظه طبعا بس طلعت حلوه فى الاسود اوى و دى كانت اول مره اشوفه و انا بستلم العربيه على فكره.
- شكل من جوه بجد رائع و متناسق جدا و يحسسك انك راكب عربيه غاليه اوى و بالذات باليل انما الصبح بتظهر شويه خامات التقفيل اللى هيه معقوله يعنى...
- سحب العربيه كويس اوى مع انى لسه معملتش بيها كيلوات خالص بس بدايه مشرقه بالتفاؤل.
الناس بتقول على العفشه ناشفه انا شايف لأ خالص كويسه جدا ممكن شوية نشوفيه بسيطه بس عشان الاتزان.
- المساحه الداخليه كويسه مش مركب يعنى زى الاوبترا مثلا بس كويسه اوى و قعدت السواق مريحه جدا.
- الكاسيت صوته تحفه مع انى شغلته راديو بس لسه مجربتش سى دى كمان.
- باور الدريكسيون تقيل شويه بس كده احسن من الباور الناعم المومل اللى بيعوم دايما.
- صوت الموتور هادى و حلو اوى طول ما انا مش حارق.
- التكييف كويس اوى فى يوم شديد الحراره و الخنقه.
ده كده تقرير مبدئى لحين عمل صيانة الالف.
عندى بس تعليقين حد من الاودام يجاوبنى عليهم :
1- فى صوت خفيف اوى عامل زى صوت احتكاك بين التيل و الطنبوره لما بدوس فرامل.
2- الكاسيت كل 3 او اربع دقائق كده يعمل صوت صفاره اى ده بقى انا حاسس اننى فى فيديو جيم.

معلش طولت عليكو و عقبال الجميع يركب العربيه دى بجد عجبانى اوى..