سؤال غريب شوية . مش برضوا الاوبل الاتوماتيك المفروض انها تسخن عن الاوبل المانيوال ؟

**cayman69300** · 16-05-2010 02:21 AM

الفكرة دى جت فى بالى النهاردة و انا لسة راجع من برة بالعربية
و كمان افتكرت عربية طنانى " بسم الله ما شاء الله اللى هى نفس الموديل بتاعى بس انا عندى اتوماتيك "
العربية بتاعتى قكترا a موديل 1966 & 2000 سى سى
تعالوا نفكر مع بعض
الردياتير فى المانيوال و الاتوماتيك واحد من نفس المواسير لكن طبعا الاتوماتيك فية مدخل و مخرج لزيت الباور بتاع الفتيس ............. صح لغاية كدة
المراوح واحدة فى الاتنين سواء مروحة الردياتير او مروحة التكيف اللى برضوا بتشتغل مع المروحة الداخلية بتاعة الردياتير
الترموستات واحدة يعنى السرعة الاولى على 90 و التانية على 95 و دة طبيعى
لكن الفرق هيبان هنا بقا
ردياتير المانيوال بيبرد المية بتاعة العربية بس
ردياتير الاتوماتيك بيبرد المية بتاعة العربية + زيت الفتيس
يبقى من هنا العربية الاتوماتيك المراوح بتاعتها بتشتغل اكتر لانها بتبرد حاجتين " المية و الزيت " مش حاجة واحد " المية فقط "
يبقى المفروض ان حرارة الاتوماتيك تبقى اعلى شوية و دة العادى او تصل لدرجة اعلى شوية و المراوح ترجعها تانى
اية رايكم فى كلامى دة
و يا ريت الاقى ردود مقنعة و علمية
و شكرا

**rabbat5** · 16-05-2010 08:13 AM

الاتوماتيك لو العربية مفيهاش مشكلة الحرارة متعديش ال 90 آخرها 92 فى الصيف و الزحمة.
المانيوال نفس الكلام؟

**hardman20060** · 16-05-2010 12:37 PM

المشاركة الأصلية كتبت بواسطة rabbat5

الاتوماتيك لو العربية مفيهاش مشكلة الحرارة متعديش ال 90 آخرها 92 فى الصيف و الزحمة.
المانيوال نفس الكلام؟

كلامك مظبوط ياباشا

**thug** · 16-05-2010 01:29 PM

أنا رأي مختلف لأن ببساطه انت في الأتوماتيك
فتيس العربيه من نفسه بيحافظ علي حرق مثالي للموتور
لكن المانيوال عمر ماعربيتك هتعرف تظبط سواقتك علي إحتياج الموتور
شويه تحرق غيار شويه تجري شوويه تكتم غيار العربيه ,,,كده يعني
هو المفروض الإتنين لو دوره التبريد مظبوطه بتاعتهم هيسخنو لنفس الدرجه
لكن في الغالب المانيوال هيسخن أكتر حسب كلامى