استفسار بخصوص الواجا

**bigwarrior** · 16-05-2010 01:16 PM

السلام عليكم
اخذت مطب جامد بالعربيه الواجا 2005 المانيوال بتاعتي وبعد فتره كبيره رحت كشفت على العربيه لم سمعت صوت تخبيط في الناحيه الشمال قدام
بتاع العفشه قال ازاي ماشي بالعربيه كده ده المساعد مكسور خالص
اولا:عاوز اعرف ايه افضل مساعدين للعربيه وسعرهم كام ومن فين بالضبط انا ناوي اغير الاربعه وهل اي ميكانيكي يركبهم عادي
ثانيا:الجنط عندي مقاس 16 بس بمسامير النكيه مش المسامير العاديه اللي بتتفك بالصليبه كنت عاوز اعرف ممكن تتغير هذه المسامير ولا لازم اغير الجنط لان المسامير ديه طلعت زفت بتكسر في الجنط ولازم يوم بحاله علشان افك الجنط

**ramyar** · 16-05-2010 01:24 PM

استني الاستاذ مهاب

**MohabSaeed** · 16-05-2010 07:40 PM

مساعدين الواجا الاماميه مش متوافرين بره التوكيل , انا كنت سألت عليهم فى كل محلات بروتون و مركز بيع مونرو مش متوافرين .

المساعد متوافر فى التوكيل و تمنه 600 جنيه للواحد KYB يابانى .

المساعدين الخلفيه موجوده بره التوكيل ... الاتنين بيعملو فى حدود 360.. 380 جنيه ... KYB , والمايلى فى حدود 400 جنيه ...الافضل و الاضمن KYB , عموما المساعدين الخلفيه هى نفس مساعدين ميتسوبيشى لانسر فحتلاقيها منتشره و سعرها معقول .

و طبعا متروحش لاى ميكانيكى علاشان يشتغل فى العفشه ... و ده مع اى عربيه من الواجا بس ... لازم تروح لمتخصص عفشه ويكون سمعته كويسه و متجرب قبل كده .

بالنسبه لصموله الجنط طبعا ممكن تغيرها بس المهم انها تكون نفس المقاس و تركب على المفتاح الاصلى الى عندك فى العربيه علاشان تدخل فى مكان الصموله فى الجنط .

--------------------------

المشاركة الأصلية كتبت بواسطة ramyar

استني الاستاذ مهاب

ده انتا الى استاذنا يا رامى

**bigwarrior** · 16-05-2010 08:50 PM

اولا: شكرا ياأستاذ مهاب
ثانيا: كده هتصل بالتوكيل بكره ان شاء الله لتحديد المعاد علشان اركب من عندهم المساعدين الامامي والخلفي نوع kyb
وأصلح التكيف والسنتر والانذار وانوار التابلوه بالمره هناك
في رايك الكلام ده يكلف كام تقريبا بالمصنعيه بكله

**MohabSaeed** · 17-05-2010 09:14 PM

المشاركة الأصلية كتبت بواسطة bigwarrior

اولا: شكرا ياأستاذ مهاب
ثانيا: كده هتصل بالتوكيل بكره ان شاء الله لتحديد المعاد علشان اركب من عندهم المساعدين الامامي والخلفي نوع kyb
وأصلح التكيف والسنتر والانذار وانوار التابلوه بالمره هناك
في رايك الكلام ده يكلف كام تقريبا بالمصنعيه بكله

العفو , معملتش حاجه استاهل عليها الشكر

الحقيقه مش عارف الموضوع يتكلف كام ... لان الموضوع حيختلف ... هل السنتر مثلا بايظ ولا الموضوع مجرد الفيوز ؟.... هل التكيف لاقدر الله فى مشكله كبيره ... ولا الموضوع متوقف على شحن فريون ...........

حضرتك ممكن تحجز معاد و تروح تكشف على العربيه و تشوف الحاجات ديه حتتكلف كام على حسب .. ايه الحاجات الى محتاجه تتغير و الحاجات التتصلح .

فى حاجات الافضل تتعمل فى التوكيل زى المساعدين الاماميه , السنتر و الانذار , انوار التابلوه . لكن حاجه زى التكيف و المساعدين الخلفيه ممكن يتعملو بره .

عموما شوف التكلفه الاول هل مناسبه ولا لا و القرار ليك .