أزيكم يا شباب الاوبل إن شاء الله تكونو بخير
طبعا زى ما باين من العنوان إن باب العربية ساقط ومش راضى يتقفل
والحكاية تبدأ لما كنت رايح انا ووالدتى كار فور المهم كنت ماشى فسمعت صوت رحت راكن ونازل عشان أبص على الكاوتش ملاقيتش فى أى حاجة
المهم ركبت وجيت أقفل الباب لقيتو مش راضى يتقفل أعدت أحاول فترة لقيت مفيش فايدة (لقيت الباب ساقط بس مش أوى) وطبعا النهاردة الاحد مفيش بتوع أبواب فاتحين
فإنتو إيه رأيكم ممكن اللى حصل دة يكون بسبب إيه؟
وهل حد حصل معاه موقف زى دة
(المهم أنا عارف السبب كل دة عشان مرات عمى شافتنى وأنا سايق وأول مرة شافتنى بسوق لاقيتها بتقولى إيه الحلاوة دى والله لقيت العربية راحت داخلة فى الحيطة لواحدها بدون إى تدخل منى)
ربنا يبعد عنى وعنكم شر العين والحسد