الموضوع: مساعدة عاجلة من الوحوش.....

إزيكم يا وحوش....محتاج خبراتكم فى العفشة.

الجزء المرسوم فى الصورة ده طالع من الإسكترا و ماسك فى العجلة بمسمار و صامولة.....الجزء ده يا ترى بيسموه إيه فى السوق؟؟

السؤال الأهم هو هل يا ترى الجزء ده لو حد من الوحوش مسكة بإيده (بيظهر بوضوح لو لفيت العجلة للأخر) موجود خلف العجلة ماسك ما بين الطنبور و الإسكترا.... يقدر يحركه حركة دائرية بسيطة لفوق و لتحت.....لأنى جربت أمسكه بإيدى و لقيته بيلف معايا لأعلى و لأسفل دائريا لغاية لما بيعمل صوت طقة فى الحديد......هل ده طبيعى؟؟؟؟

من فضلكم المساعدة....لأنى حاسس إن اللفة و الصوت مش طبيعى.....ينفع حد من الوحوش يلف الدركسيون للأخر و يمسك الجزء ده بإيده .... موجود فوق المقص خلف العجلة و يحاول يلفه لفوق و لتحت (فى المستوى الرأسى) و يشوف هل بيلف معاه حاجة بسيطة لغاية لما يعمل صوت طقة حديد فى حديد.

منتظر منكم المساعدة يا وحوش زى ما عودتونى........

المشاركة الأصلية كتبت بواسطة abasse

بص ياباشا ديه البارة الخارجية ( وفى واحدة مسكة فيها من جوه بيتبقى الداخلية )انا غيرتها قبل كده لما كان فى بوش فى العجلة ومكنتش عارف أظبط زوايا كانت بحوالى 70 ج التركى و 150 الأسبانى

ممكن يكون اللف ده والطقة ده من الشحم اللى بيقى على الجلبة من جوه يكون نشف

بس أنا معلوماتى أن عربيتك لسة جديدة صعب يكون فى مشاكل فى العفشة دلوقتى

أشكر حضرتك جدا على الرد.....فعلا عربيتى جديدة علشان الكيلومتر قليل 37000 كم لكن الموديل 2006 فممكن يكون الشحم نشف.

مش عارف هل فى إستطاعتك تساعدنى و تعمل الإختبار ده و تشوف بتتحرك عندك و إنت كاسر العجلة على الأخر و لا لأ....لأنها عندى بتتحرك بسهولة جدا بدون أى عزم و بعدين لما توصل لنهايتها بتعمل طقة حديد فى حديد.

أكون شاكر ليك جدا للمساعدة......