لو ناوى اعدل عربية اشتريها بناهى حالة

**mstool** · 20-06-2010 03:33 PM

انا دلوقتى هعدل 128 ان شاء الله
اولا :تسقيط موتور ريجاتا 1500
تغيير تابلوة
و تركيب تكييف
غير باقى الحاجات بس دية الحاجات الاساسية اللى هعملها يعنى يكلفوا فى حدود 5000 او 6000 جنية ان شاء الله ممكن اقل انا و حظى بس دة اخرى فى الصرف
دلوقتى اشترى العربية عاملة ازاى؟؟؟؟؟
لانى عايز عربية سبعينات متفرقش معايا بس اشتريها حلتها ازاى
اكيد لازم اتنازل عن حاجة اهم حاجة عندى متبقاش راشة دواخل بس اى حاجة مش مهمة
هل هحتاج حالة موتورها يبقى فوق ال 80%
انا اعتقد علشان اجيبها رخيصة لازم اتنازل على حالة الموتور لانى كدة كدة هغيرة اصلا
صح اعتقادى ام خطا ؟؟؟؟؟؟
فعايز اعرف 10 الاف جنية هيشتروا 128 موديلات سبعينات بانهى حالة بزبط او اتنازل عن اية و الحالة اللى هلاقيها فى الموديل دة بالتمن دة بالمواصفات دية هتبقى اية ؟؟؟؟؟؟!!!!!!!!
و كتر خيركوا اوى يا رجالة بس رجاء تساعدونى علشان محدش بيرد عليا خالص

**eng.octooo** · 20-06-2010 11:18 PM

عندى سؤال جانبى : هوة ال128 هاتستحمل موتور الريجاتا ؟؟

بص انت دلوقتى تقريبا هاتعمل عربية جديدة ف اهم حاجة تكون فى العربية ان الشاسية يكون سليم وبما انك هاتغير الموتور ف مش محتاج موتور حالتة حلوة
وتقريبا العفشة هاتتغير علشان الموتور الجديد الكبير ف مش مهم معاك العفشة ....

يعنى انت بتدور على عربية اساسيتها سليمة والاساسيات هيا الشاسية وخد حد بيفهم كويس فيهم معاك

وبالنسبة للفلوس ..انا واحد صاحبى جاب واحدة 128 سيزتافا (الى شنطتها صغيرة دى ) وحالتها ممتازة ما شاء الله من شاسية لعفشة لجنوط لصالون لطقم صوت يعنى عربية جاهزة كانت تقريبا موديل 81 مش فاكر والله وكانت ب 14 فتقريبا ال 10 هاتجيب لحضرتك عربية كويسة والاهم ان الشاسية يكون كويس

وربنا يوفقك

**magyver** · 21-06-2010 02:13 AM

انا من راي مش شرط العربية
تكون راشة دوااخل
لان انت كدة كدة هاتعملها تقوية في الشاسية
واحتمال تصب رصااص كمان
فمش شرط العربية تكون شركة جوة
و10 الاف يجبولك 28 موديل 75 عايزة شوية تظبيط
وانت كدة كدة هاتظبط وتغير كل حااجة

**mstool** · 21-06-2010 05:34 AM

يا جدعان ازبط ازاى كل دة اولا صب اللى جوة الشاشية دة بيبقى ب1000 جنية دة مش هعملة دة انا عارف تلاتة مسقطين مواتير لانشيا 1600 يعنى مواتير اقوى من اللى عايز اركبهم و مش صابين هيا مجرد شدادات حلوة اوى و زى الفل مش هعمل اكتر من كدة انا بقول هصرف 5 او 6 الاف بالكتير اوى و هجيب عريية ب 10 سبعينات و مش هغير عفشة غير بعد شوية مش مستاهلة انا هجيب موتور علشان يبقى عفى بس لكن مش هشد بيها كتير الموتور يرحنى فى السفر عشان مشاويرى بعيدة شوية عن البيت
يعنى 40 50 كيلو كل يوم مش موضوع شد و كمان عشان اركبلها تكييف
فانا مش هقدر اغير كتير اوى كدة علشان معايا مبلغ معين
يعنى تابلوة كامل بالتركيب هيعمل 1000 جنية بالكتير
موتور كامل بالفتيس بكلة بالتركيب هيعمل 3000 جنية
يبقى باقى الف و نص مثلا هشوف بقى هعمل بيها اية ممكن تكييف ممكن تزبيط اى حاجة لو طلعت العفشة مش مهمة او ياما هجيب عفشة اوبل كورسا مستعملة او استيراد الخارج لا تتعدى ال 700 جنية

**aymangalal510** · 01-07-2010 04:33 PM

جيت فى وقتك يا مسطول
انا تقريبا ماشى معاك بالتوازى بس على 127 ونفس الامكانيات اللى انت قولتها
ياريت بقى حد يقولنا على الحوار ده يبتدى ازاى ونمشى فيه ازاى للتوأمين 127 و128
على فكرة يا مسطول لو عندك استفسارات غايبة عنك ممكن تشوف موضوعى يمكن احتياجاتنا تكمل بعضها
وانا متابع معاك برضه
http://www.nilemotors.net/Nile/16160...post3872814898

**aymangalal510** · 08-07-2010 02:45 PM

فين الخبراء بتوع الفيات
محدش عايز يفيدنا ولا ايه؟
يترى انت فين يا mstool??

**memononos** · 08-07-2010 03:20 PM

انا اشترتها ب8600 موديل 74 وصرفت عليها حوالى 3 مصاريف تغير فتيس وكبالن ومساعدين وشويه صيانه دوريه وتغير الاكصادامات بالاكصدامات السوده واتكسرت برضو لانى كنت لسه بتعلم السواقه
وماذلت بوضب فيها بس هى ماشيه الحمد لله ..عاوز اعملها سمكره واغير عتب ودواسات علشان فيه شويه برومه وغالبا كل 128 كده البرومه بتحبهاوعاوز اجنط واغير كراسى الصالون
وبفكر جديا ابعها

**aymangalal510** · 08-07-2010 04:49 PM

الله يعينك عليها
طب انت ليه اشتريت حالتها كده من الاول ؟؟؟
الا اذا كنت مستعد تصرف عليها اساسا وتظبطها

**memononos** · 09-07-2010 07:40 AM

لسه مغير الريداتير انهرده
كنت رايح اسلك القديم الراجل قعد يلعب فى دماغى لحد ما خلانى اشترى واحد جديد بس صراحه فرق

**memononos** · 09-07-2010 07:46 AM

المشاركة الأصلية كتبت بواسطة aymangalal510

الله يعينك عليها
طب انت ليه اشتريت حالتها كده من الاول ؟؟؟
الا اذا كنت مستعد تصرف عليها اساسا وتظبطها

بص يا باشا هى اه العربيه حالتها كانت على قدها بس كانت ماشيه الحمد لله بس الى خلانى اصرف كتير كده ان فى حاجات مكنش لازم اغيرها وانا غيرتها زى مثلا الاكصدامات وعموما هى جمعت معايا فى الاخر حوالى 11600 يعنى ثمن نفس الموديل ده بحاله كويسه
بس الفرق انى عارف انا عملت ايه فى العربيه ومحتاجه ايه وبعدين المصاريف دى على مدار سنه كامله