تعديل السيارات والاضافات

**saloka50** · 18-02-2008 06:35 PM

يا جماعه انا عندى 28 وعايز اظبتها ازاى وفان عشان انا لسه جديد فى الموضوع ده ارجو المساعده

**badblood** · 18-02-2008 11:57 PM

في ناس كتير جدا في الحرفيين
عندك شغل الفايبر سيد حواجب ممتاز واسعاره مش غاليه
وفي واحد في الهرم شغل فايبر بردوا كويس
وفي ناس كتير زي بيدوي ومحمود ديزاين (كل دول ليهم شغلهم على face book )
والفوانيس عند الفنجري في الحرفيين
وعند الجروب ده led tronics على face book

**ahmed_3omda** · 19-02-2008 02:26 AM

ال 128 سياره بسيطه جدا والتعديلات بتاعتها بسيطه جدا واليك بعض الافكار والاسعار ومراعاه ان الاسعار قابله للتغيير :-

-رش السياره طبعا حضرتك مش موضح حاله الدهان ايه ف انا حنصحك عموما بالاسطي سيد في منطقه الدويقه ودا رقم تليفونه 0121266239

ودي صوره لشغلو :)

- الجنوط الاسبور وانصحك ماتزودش عن 13 وقبل تركيب الجنوط طبعا حتراجع العفشه بالكامل عند عفشجي محترم .

الجنوط الصيني بتعمل في حدود 800 لـ 1000 جنيه

بالنسبه لأسعار قطع غيار ال 128 والعفشه ادخل علي موضوع الاستاذ احمد أضغط هنا

- توطيه السياره بقص حلقه من السوسات الاماميه وطبعا في الخلف علي انتره حيدق عليها العفشجي ويوطيهالك متقلقش . اهم حاجه تخلي بالك لو بتحمل السياره كتير بلاش موضوع التوطيه نهائي :( 100 جنيه تقريبا

- نتعمق في الصالون طبعا حتعمل الصالون بالكامل بالتابلوه والكراسي والارضيه والسقف والقوايم جلد بيـج في واحد في شارع احمد سعيد حاطط كراسي ريكارو مش متزكر اسمو ادخل واسئلو تتكلف كام السياره بالكامل وطبعا حتفاصل معاه :) حيعمل في حدود 1000 جنيه تقريبا

- سماعتين بايونير وكاسيت اسطوانات بايونير او كينود . 1000 جنيه تقريبا

- وفوانيس اماميه كريستال ب 30 جنيه من التوفيقيه.

- بالنسبه للفوانيس الخلفيه تقدر تعملها عموله حسب اختيارك في شركه الاهرام في التوفيقيه لائما تعملها احمر بالكامل او شفافـه وتغير اللمض او الاحمر المسود :)

ال 128 مش محتاجه اكتر من كدا من وجهه نظري ;)