الموضوع: هام جدا بخصوص الكليو لو سمحتم

بص ان مش متعمق اوى فى ميكانيكه الكليو بس هحاول افيدك على اد ما اقدر
اعتقد ان الكليو فيها حساسات لان بصراحه العربيه ميكانيكه معقده جدا مش اى حد بيفهم فيها الا التوكيل
هحيلك موقف حصل معايا هتعرف منه اد ايه العربيه معقده .
مره وانا ماشى لمبه التشيك نورك (انا متعود على ان المبه سعات بتنور غلط وشوبه بتطفى لواحها )المهم المره ده اللمبه طولت اعدت كده كام يوم لغايه مره لقيت فجأه العربيه مفيعاش عزم نهائى وابطل العربيه واشغلها تمشى ثنيه عادى وترجع تانى
طبعا تخيل انت العربيه ادوس بنزين لاخر واجيب اول او تانى او تالت او رابع او خامس النتيجه واحده مفيش عزم نهائى والسرعه متعديش 20 كم
روحت التوكيل طلع الموضوع كهرباء سنسور مش عارف ايه بالضبط طلع بايظ غيروه فى الضمان ببلاش ومن ساعتها والعربيه شغاله زى الفل بفضل ربنا

الف شكر طبغا على الرد انت شايف انها عربيه مش عمليه يعنى؟
انا ولاالله ناس تئول عربيه جميله وناس تئول لا
انا شايف انها شيك اوى العربيه دى والناس تشكر فيها اقابيلت ميكانيكى قال لى ابعد عنها خالص دى وحشه اوى اوى ومليانه سنسورات ارجو نصيحه علشان حجبها 2003 من غير ضمان كمان حوديها لميكانيكى مش بتاع توكيل

وشكرا

لو تقدر تستحمل غلو قطع الغيار وبعض اعمال الصيانه عند التوكيل جبها مقابل كده هتاخذ اداء احسن الكورى وقريب من اليبانى
على قكره اسعار قطع الغيار فى نفس رينج اليبانى او اغلى بحاجه بسيطه
لو الوضوع يبقى صعب عليك هات لانسر 98 او كورى فى نفس الرنج

طيب بعد اذن حضرتك انا عارف ان فى فرنساوى وايطالى والكلام ده
بس ممكن اروح لواحد مش من التوكيل علشان انا من اسكندريه وبعييد جدا
انا كل الخايف منه الحساسات مش اكتر انصحنى

لو الميكانبكى كويس وعنده خبره و الجهاز بتاعها يبقى توكل على الله , على فكره كل العربيات الجديده فيها حساسات انا معايا الانوس وفيها حساسات برضو بس بصراحه ميزه الانوس انها مش معقده زى الكليو وكل الميكانيكه ايديهم فيها
وممكن برضو لو فى حاجه الميكانيكى معرفش يعملها فى الحاله ده روح مركز متخصص
والله انا شايف لو لن تستطيع تحمل صيانه العربيه فى التوكيل وقطع الغيار يبقى بلاش كليو وخليك فى الانوس او الانسر او اى حاجه فى نفس الرينج
ملخوظه فى توكيل رينو فى الاسكندريه النمره بتاعته موجوده فى موضوع التوكيل ومراكز الخدمه

شكرا يا ليمو
انا اصلا معايا بيجو 504 بتاعه والدى الميكانيكى بتاعها سئلتو قال لى انه بيفهم فيها وعنده ميكانيكى فى توكيل رينو ولو فى حاجه حيتصل بيه يجيلى
وكمان الميكانيكى نصحنى بل 1200 وبلاش 1400 علشان حجتها مش كتير بعكس ال 1200 موجود منها كمان ايطالى وكده وقال لى كمان اهم شىء سير التقسيمه علشان ده بيتغير بطريقه دوريه وبصراحه لسه معرفش تمنو
اسف على الاطاله

تمام كده الراجل الى شغال فى التوكيل ينفعك جدا جدا
توكل على الله وهات 1200 لانه فعلا قطع غيارها متوفره اكثر من 1400 نظرا لكثره تواجدها فى الشارع بس مش معنى كده ان 1400 قطع غيارها مش موجوده .
اهم حاجه تلاقى حاجه تكون عامله كيلو مترات قليل مجبش حاجه مشايه كتير مهما كان سعرها لانك هتصرف عليها كثير
ربنا يوفقك

والله يا ليمو انا مرتاح اوى للعربيه دى علشان مع صاحبى وكده
انا معروض عليا جوليت بس مش متقبل ولا دايو ولا هيونداى معرفش ليه كمان سعرها مريحنى
فى حدود 45,000وده نص كمليات مش وحش برده وانا اطمنت لما طلع كلام الراجل صح بخصوص 1200 سى سى ربنا يسهل واجيب وحده حلوه ممكن بس تئولى تمن سير التقسيمه ده


والف شكر ليك